يعم حتي لو مش مبينه وشها او مش حاطه صورها بتتعاكس برضو
بص يا أنون انت شكلك كدة بتحب تقاوح كل تنازل بيدى فرصة للى قدامك انة يسوق فيها معاك شوف كدة الناس اللى بتنزل صورتها مثلا هنا ع الاسك بيجيلها كمية كلام محرج ومعاكسات زبالة قد اية بعيدا عن الشاوت اوت الزبالة انا بتكلم عن الناس اللى بتدخل تعاكس هات واحدة مش حاطه صورتها عمرها ما هيجيلها كلام زيها ولا هتبقى قدها بس على الاقل هيا قفلت باب زى كدة مش فاتحاه ع البحرى وكل من هب ودب يعاكس فيها ويتغزل فيها
تجرحى مين هو انتى وعدتية بشيئ هو المفروض اللى يحب حد هو كمان يحبة بالعافية الحب لو مش متبادل يبقى مش حب ومدام بعدتى وهو احترم دة خلاص خليكى بعيد ومتحاوليش تتكلمى معاه او تردى علية تحت اى مسمى ولا حتى لو بيقولك ازيك عاملة اية
مهو يعرفك يعنى بتتكلمى معاه واسلوبك لطيف. خلتية يتعلق بيكى او يحس ناحيتك بشيئ لو كنتى بتصدية من البداية او بتخلى كل شيئ واضح اكيد مكنش هتعلق وتقدرى تقولى دلوقتى لية انا مفيش من ناحيتك اى شيئ ومش هيكون فى حاجة من ناحيتك وانك كنتى بتتكلمى معاه عادى واقفلى الكلام معاه لو حاول يكتر فى الكلام ولو هيوصل لبلوك اعملى لية بلوك
وهو يعرفك منين علشان يحبك الا لو كنتى سايبة لية مجال كلام مهو مش هيحبك ع الطاير كدة بدون ما يعرفك الا بقى لو معلش يعنى بيحاول يشقطك وبياخد نفس اسلوب الأنون ع الاسك كدة يبقى الكلام مش منطقى
لأ معلش يعنى غلط منك إنتى اصلا انك يبقى فى كلام مع اى شاب انتى متعلمتيش شيئ للأسف فكرة وجود شاب فى حياتك الفترة دى هيبقى فى مجال لأنة يعجب بيكى او يمثل دور الإعجاب علشان يضحك عليكى زى اللى قبلة انتى غلطتى اصلا انك بتردى علية او عل اى شاب
دة تعلق وقتى وهيروح محتاج منك شوية فهم بس وتفكرى كويس هو مرحلة وانتهت درس علشان تتعلمى منه حتى لو كنتى فعلا حبتية بجد زى ما بتقولى مع انى طبعا ضدد كلامك دة بس لو حبتية فا هو ميستهلش وبردوا مع الوقت هتنسى وهتعدى محدش بيوقف حياته على حد
ميردش ومش عايز يرد ومش عايز يتناقش ،كان يقدر يقول متكلمينيش ويناقش السبب ال حصل انما جو ابعد بدون حرف فجاة كدا ليه هي نفوس الناس لعبة؟
لأ مش نفوس الناس لعبة انتى اللى غلطانة كلامى هيزعلك وهيزعل اى بنت بتعمل كدة بس مفيش صداقة بين شاب وبنت معلش يعنى البنت اللى بتعمل كدة حتى لو بحسن نية لو فكرت تسأل الشاب دة او تقول لية اختك ليها بيست شاب يا ترى رد فعله عليها هيكون اية او لو هو شاف اخته بتكلم شاب وبتقولى دة البيست بتاعى هيعمل فيها اية معلش يعنى حضرتك اللى حطيتى نفسك فى الموقف دة