لسة ربنا مأردليش الزواج اتحط قدامى كذا شخص احسبهم على دين وخلق بس دايما كنت بستخير ربنا والموضوع مكنش بيكمل لوحده كنت بخاف ادعى انه يكمل يكون مفهوش خير واكون بدعى بعدم علم فكنت على طول بقول يارب اختارلى ولا مرة كان الموضوع بيكمل الحمد لله
بالرغم من ثقتى بربنا بس بزعل زعلى يتعارض مع الرضا والصبر؟
متزعليش لان ربنا اختارلك بردو اختارلك الرفض علشان مش دا المناسب او الخير ليكي الناس الكويسة كتير بس المناسب دا بيكون نصيب وانتي طلبتي من ربنا الاختيار ليكي واختار ان الشخص دا مش مناسبك مش علشان انتي وحشة او هو وحش علشان انتوا الاتنين مش هتناسبوا بعض مثال انتي دماغك مختلفة عن دماغه ليه اهداف عكسك هو يقدر يتماشى مع واحدة تانية تكون مكملاه وهكذا انتي فانتوا الاتنين مش وحشين ولكن مش هتكونوا مرتاحين مع بعض فانتي ان ربنا يقفلك الموضوع من الاول دا احسن بجد ❤ معنى انك تزعلي عادي بس متعترضيش على قضاء ربنا او تقولي ليه يارب و انا فيا ايه وكدا متخليش فرصة للشيطان يخليكي تيأسي من رحمة ربنا و احييكي انك ماشية بمبدأ يارب اختارلي متخيرنيش علشان هو دا الصح ❤ ونهاية الصبر والرضا خير كبير ربنا يرزقك بالخير و بالانسان المناسب ليكي ❤