اعظم حاجه يعملها الإنسان لنفسه إنه ميكونش عينه مكسورة لأي حد ، لا لشخص ، لا لجماعة ، لا لنظام ولا لشلة..تعيش كدة حر ومستغني وعزيز النفس..
لا مستني حاجة من حد ، ولا خايف من حد ، ولا بتتحايل علي حد عشان يعملك خدمة ولا بتجري علي اي منصب او جايزة ، ولا بتصاحب الناس عشان مصلحة او خروجة ، ولا عمرك بتسمح لاي حد يستغلك ، نجاحك بتعمله فعلا بمجهودك وإصرارك وبقناعاتك المحترمة في الحياة وأنت اللي بتنافس نفسك..ساعتها بس هتعيش عينك مليانه ، قلبك قوي وعزة نفسك مرفوعة لفوق ، هتبقي زي العملة النادرة تقاس بك الأشياء ولا تقاس أنت بها..