انا متجوزه بقالي ٥ شهور جوزي يجماعه عيل اوي وانا مبقتش طايقه العيشه معاه بجد وانا بطبخ بيقعد يقولي يا تكاتك يا حركاتك واما يدوق الاكل ويطلع حلو يقعد يسقف ولما بيجي م الشغل بيبقي معاه بيبسي و مقرمشات كل يوم وشيكولاتات دايما وبيتفرج علي افلام انمي بليل واحنا سهرانين وبيفضل يطبل ع الباب انا عايزه أطلق
راجل فرفوش 😂 هو مش عيل ولا حاجة .. هو تلقائي معاكي و بيعبر عن فرحته ببساطة و ايه مشكلة البيبسي و الشوكلاتة مش فاهم ؟؟ .. غالبا انتي بومة عيب و حرام تغلطي فيه و هو فعليا مغلطش عامة اطلقي هتكئبيه .. و خدي قايمتك و اسحليه معاكي و خليه يعيط بالليل و يدعي عليكي بدل الانمي و البيبسي
سن ٢٥ تعتبر صغيره ع الجواز ولا لا من فضلكم لان كل ال ف عمري اتخطبوا واتجوزو وخلفو ماشالله
مفيش الكلام ده .. كله رزق و سنك صغير ! و كمان انتي ف ايدك ايه ؟؟ هتخطفي واحد يتجوزك ؟ 🤨
هو مجرد فضول مش اكتر هو ليه الناس وبالتحديد خريج تجاره هيموتوا نفسهم علي شغل البنك ايه المميز فيه يعني اللي يخلي ناس تقول هنتحر لو مشتغلتش في بنك ايه الميزه في كده ما هما اكيد مش بيقبضوا باليورو يبقي ايه الميزه
الحمد لله انا اللي رفضت شغل البنك عشان معاملاته ربوية ✋ مفيهوش اي ميزة .. قائم على قوانين المرابين اليهود بس اكيد مرتباتهم كويسة وكيان مستقر جدا
دلوقت عاوزه اخد رائيكم محدش يطنش بالله انا حبيت واحد وهو بيحبنى اوى وعاوز يتقدملى بس ف مشكله انه كان متجوز ومطلق وانا لسه بنت انا بجد بحبه وفيه كل ال بتمناه وهو محترم هل الموضوع هيكون صعب الاهل يقبلوه ولو حد منكم عنده اخت نفس موقفى هيوافق ؟
فين المشكلة طلاما صادق و على دين و خلق .. اهم حاجة متستمريش في علاقة غير رسمية ✋
ايه اول حاجة بتلفت نظرك في الشخص اللي قدامك يعني اقصد عينك بتقع علي ايه اول حاجة في الشخص وخليها الجنس الاخر
عقله و مشاعره ! و خليها عقلها و مشاعرها 😂🤝
إيه هيكون رد فعلك لو حد قرر ينسحِب فجأة بدون مُقدمات من حياتك؟