" النضج " .. النضج دا عامل زي الصورة بدون فلاتر ولا فوتوشوب ، هتكبر وتعرف أن من علامات النضج حاجات كتير زي مثلا : أنك متصدقش اي كلام حلو يتقالك لأن مفيش أسهل م الكلام ، انك متتعشمش ف حد ، وأنك تتوقع أي فعل من أي شخص ف حياتك ، انك متتعلقش بشخص لدرجة تخليك تعاني ف غيابه ، انك متحطش نفسك ف خانة الاحتمالات ، انك متنتظرش حاجة من شخص خاصة لو كانت الحاجة دي مهيأ نفسك ليها كليا وعايش الحلم وف نفس الوقت عارف ان الحاجة دي شبه مستحيلة ، انك متبينش لحد نقاط ضعفك لأن ممكن يستغلها سواء عن قصد او غير قصد ، انك متهتمش بشخص انت مش فارق معاه ، انك تعرف قيمتك وان أهم حاجة ف حياتك كرامتك وعزة نفسك ، انك تاخد قراراتك بعقلانية حتي لو علي حساب مشاعرك وقلبك .