السلام عليكم ورحمة الله وبركاته
كنت عاوزه اسالك ع حاجه
لو فيه حاجه نفسي فيها وبلح بالدعاء عليها كثير
وحاسه ان دا مش كافيه ممكن اعمل اي تاني حاجه اوظب عليها
لعل الله ياتيني سؤالي
مش كل حاجة بندعي بيها بتكون مناسبة لينا .. بلاش تحبطي لو ملاقتيش إجابة لدعائك.. ممكن دعائك يرفع عنك بلاء أو يدخر ليكِ في الآخرة أو الدعوة دي شر ليكِ وأنت مش حاسة ( ويدعو الإنسان بالشر دعائه بالخير وكان الإنسان عجولاً)
هل ممكن ارجع انسانه نضيفه ومحترمه بعد القرف ال عملته ده💔
طبعا ينفع ربنا عمره ما قفل بابه قدام تائب توبي وارجعي التائب من الذنب كمن لا ذنب له
خطيبي بيخليني احاسب علي المواصلات وفي الاكل مثلا هو يحاسب مره وانا احاسب ٣ مرات
اصارحه ؟ ولا ابقي قليله الذوق؟
اخلعي
شخص اهان عيلتك وماكانش بيحترمك بس بيحبك ، يستاهل فرصة تانية لو طلب السماح ؟
لو أنا مكانك مش هكمل
هل التفتيش ف موبايل زوجي يعتبر تجسس؟؟ ومن حقي افتش ف تليفونه ولا لاء؟؟
أيوة تجسس ومش من حقك تعملي كده
عجبني ردودك فاديني نصيحتك لو سمحتي
في واحد كان بيكلمني بقاله سنه والمفروض كان هيخطبني بعدها
وبعدين انا حاسه بشعور غريب كأنه اتغير كأنه بيحاول يطفشني انا مش عارفه اعمل ايه ومش فاهمه حاجه
هو ده ايه ؟!
ابعدي عنه
جماعه الافضل احفظ قرآن مع نفسي واسمع لحد ولا احفظ مع شيخ
لأ مع شيخ .. جو المقرأة والصحبة الصالحة مختلف تماما .. غير انك لوحدك مش هتكملي لازم معلمة
لو فيه تبادل نظرات وكل لما ابص الاقيه باصص وكدا ده بيبقي معاناه ايه ؟
😂😂😂😂😂😂👩🏼🦯
مساكين والله في اللي بتعملوه في نفسكوا ده
هي السجاير سبب كافي لفسخ خطوبة؟
ليه مكنتش عارفين أنه مدخن قبل الخطوبة؟
عادي الوحده ترفض شخص قابلاه و مفهوش عيب تقريبا بالنسبالها.. هو بس ف نفس طولها بالظبط عشان عملت حساب لو حبت تلبس كعب بعد كده!
هل ده سبب كافي انها ترفض و لا مفيش نضج و ممكن تندم!
طيب نفس طولك عايزة ايه 😂 هو أنا كنورهان كنت ممكن أكون شوية مش متقبلة لو الشخص أقصر مني .. لكن عندك قبول ونفس طولك توكلي على الله .. بعد كدة مش هتعملي حساب خالص للأمور دي ولا ده اللي هيهمك
ينفع اطلب من خطيبي فلوس عادي ولا ايه حتي لو هو سالني محتاجه حاجه ؟
دلوقتي هل من حقي اشترط علي العريس نعيش في اي مكان غير بيت العيلة ؟
من حقك ومن حقه يشوف ده مناسب معاه ولا لأ ومن حقك ترفضي لو مش مناسبك .. اعرفي أي حاجة تقدري تعمليها بس تبقي عارفة نتيجة اختيارك ايه وتتحمليها.
كنت ثانويه عامه امتى!
2016
أول رواية قرأتيها ؟
اكتشفت زوجي في الأتوبيس ثم في الحلال لرقية طه ثم الرجل ذو اللحية السوداء أي رواية بطابع إسلامي كانت بتيجي قدامي كنت بقرأها ودي كانت البداية لقراءة الكتب