باختصار كرهت نفسي و الناس و الدنيا و مبقتش عارفه انا عايزه ايه و عايشه ليه و علاقتي بربنا سيئه و مليش اصدقاء و لا حد احكيله ال حاسه بيه وال انا اصلا مبقتش فاهماه
اصلحي ما بينك وبين الله أولا يصلح حالك ويهدي قلبك ثم ابحثي عن الصحبة الصالحة لتأنسي بهم وتستعيني بهم في حياتك .. ومؤكد ان هناك سبب وراء حالة التخبط هذة التى وصلتي اليها فابحثي جيدا في حياتك وحاولى اصلاح وعلاج الأمر ربنا يردك اليه ردا جميلا ويصلح حالك ويهدي قلبك
خايفه اوي..ديما خايفه افقد حد من اللي بحبهم و قلقانه و بفضل عامله حسابي ف اي وقت اني ممكن اسمع خبر يدايقني...بخاف من الكانسر يصيب حد اعرفه او يصيبني بخاف افقد اللي بحبهم اوي😢💔...اعمل ايه ...يا خالتو ردي عليا بليز😢
قلق شديد انتى قلقانة زياده عن اللزوم ومشيلة نفسك الهم على الفاضي ما تحمليش هم حاجه وسيبي الحياة تمشي قلقك لن يمنع شيئا ولن يفيدك ايضا بشئ ذكري نفسك دائما " قل لن يصيبنا الا ما كتب الله لنا " الفقد والفراق بنمر بيه في حياتنا كتير جدا ومحدش فينا باقي كلنا الى زوال فلما القلق !؟ عيشي حياتك ودعي هذا القلق وخلى عندك ثقة ويقين وحسن ظن بالله عز وجل والزمى الدعاء والاستغفار وربنا يحفظك ويحفظ احبائك من كل سوء
بالله عليكي انا عندى مشكله كبيرة معرفش مش لاقيه حل عندى ٢٢ سنه ولازلت الى الان لا انام الا اذا وضعت اصبعى فى فمى .. لا اعلم ما الحل واذا تزوجت ما العمل !؟؟
اعتقد انها لزمة عصبية .. وسببها فقدانك الامان او الاحتواء او الحب وبتلجأي ليها للتخفيف من حدة القلق لديك ولكن تستطيعي التخلص منها باذن الله مع كثرة التدريب وعلاج السبب الحقيقي وراء المشكلة .. ويمكنك ايضا استشارة د/ محمد @MElShami
الاب و الام مابيهمهمش غير كرامتهم وصوت اولادهم مايعلاش و
ماحدش يسمعهم وحدبيعلي صوته عليهم
و ده بيخليني اكسر كل حاجه و ازعق و ساعات بوصل لحالات صعبه متواصلة مرضيه و انفي بينزف متواصل بالساعات
و ف الاخر يقولوا بر !
و مابيهمهمش حتي ايه الهيحصل لي او انا حاسس بايه و بيأثر ع بايه جسدياونفسيا
بكرههم
انا كل اما ابدا اي حاجه بقيت محسش باستمتاع فيها ومبقاش عايزة اعملها, مذاكره , خروجه , مشروع , اي حاجه ؟ اعمل ايه
مرحلة فتور .. خذي فترة اسراحة ابتعدي فيها عن كل شئ واختلي بنفسك وجددي ايمانك في هذة الفترة وتقربي الى الله واجلسي مع نفسك وانظرى في حياتك واعرفي انتى فين دلوقت ونفسك توصلي لايه .. جددي اهدافك وحدديها وخليها واضحة قدامك وقيمي علاقاتك بمن حولك وتخلصي من كل علاقة تشكل عليكي ضغط نفسي او عبء .. جددي في حياتك واكسري الروتين وشوفي حاجات جديده تعمليها في حيياتك .. وباذن الله هاتعدي الفترة دي سريعا واذا كنتى بتمرى بمشاكل او ضغوط نفسية حاولى تتخلصي منها ﻷنها يمكن ان تكون السبب الحقيقي وراء حالتك هذه .. وفقك الله ورعاك
لو خطيبي مش بيعارض على الشغل ولا تكمله الدراسات العليا , بس بشرط مجيش على البيت وفى نفس الوقت يقولي لو فيه طفل وعندك شغل هتضحي بالشغل , وبرده حته لو مثلا فى شغلي مفيش غير انا ودكتور مسئول فوقيا يبقي اسيب الشغل ؟ اقوله ايه ؟ وهل هو بيتكلم صح
رأي الشخصي ومن وجهة نظري كلامه صحيح بالنسبة انه لازم شغلك ما يأثرش على بيتك ولا اهتمامك باولادك ورعايتهم نقطة شغلك مع دكتور دى مش فهماها :) بس عموما اتكلمى معاه عادي وقولي اللى جواكى وبتفكري فيه واتناقشوا عادي ..
انا مخطوبة من اسبوعين كده
هو شخص كويس ديّن مناسب اهله كويسين . . . بس للاسف مش حاسة ناحيته باي حاجة
مش بكرهه .. بس قلبي مادقش ... حساه شخص عادي يعني
وكل يوم بفكر اني افسخ الخطوبة بس مش بلاقي سبب فبكمل
حاسة بعبء كبير اوي اني مش عارفة اقرر اكمل ولا لأ .. أعمل ايه؟؟
اصبري لسه انتوا بقالكم اسبوعين بس يعنى يدوب بينكم تعارف عادي ولسه مفيش ألفه وود بينكم ولا اتقربتوا من بعض بشكل كافي .. كل ما تتعرفي عليه أكتر يأما هاتقبليه وقلبك يميل ليه يا اما هاتفضلي رافضاه وساعتها يبقى متكمليش عشان كده بتظلميه معاكي وبتظلمي نفسك كمان لكن من وجهة نظري اسبوعين فترة قصيرة جدا جدا وغير كافية للحكم عليه او تقييم مشاعرك تجاهه .. استخيري دائما واسألي الله ان يقدر لك الخير وأعطيه فرصة وماتتسرعيش في قرار فسخ الخطبة الا لو تيقنتي انك خلاص فعلا مش قابلاه ومش شايفة انه هو ده الشخص اللى نفسك تكملي معاه باقي حياتك .. يسر الله امرك وربنا يقدر لك الخير
السلام عليكم ورحمة الله انا بكلم نفسى كتير جدا خصوصا لو لوحدى ولو وسط الناس بحس انه شغال جوايا وحتى وانا نايمة مبحسش انى نايمة علطول بحلم يعنى 24 ساعة دماغى شغالة مبرتاحش نهائى .... تعبت جدا ﻻ عارفة انام وﻻ اصحى ... ارجو خطوات عملية للتخلص مما انا فيه ... جزاك الله خيرا
وعليكم السلام .. جزانا واياكم يارب كلام بصوت عالى ولا مجرد افكار في دماغك بس ؟ كم عمرك ؟ بدا معاكي الامر من امتى ؟ عندك مشاكل ، خلافات ، او ضغوط نفسية ؟
لو سمحتي أرجوكي تقوليلي على دكاترة نفسي وعصبي كويسين في القاهرة او في اي محافظة بس يكون ممتاز محتاجينه جدااا والله
الدكتور النفسي غير دكتور المخ والاعصاب كلا له تخصصه لو دكتور نفسي تقصدى انا معرفش غير د/ محمد الشامي كويس جدا وثقة الحمد لله وهو في القاهرة هاتلاقي عنوان العيادة بتاعته ع صفحته في الفيس او موقع شيزلونج وربنا يعافيكم ويعفو عنكم .. :)