شباب/تقبلون زوجتكم او حبببتكم قبل متتعرفون عليها عدها صداقه مع الجنس للاخر (مجرد صداقه اخوه) ؟!
بنات/ اذا شفتي تفكير صديقج متخلف ومتناقض يكلج مااقبل حبيبتي تحجي ويه شباب وهو ديحجي وياج شنو راح يكون ردج اله ؟!
اي شكو بيها هي وجهة نظره مادام هو يتعامل ويايه بأحترام وممتجاوز حدوده هذا هو اذاً هو يعرفني اني شنو والفكرة اللي هو ماخذها عن انو حبيبته ميقبل يكون عندها اصدقاء شي يعود اله مالي دخل
كل اللي حجيته صح بس لو نجي للواقع ترى ماكو هيج شي اني اگولك صح ماكو احلى من وجود امك ابوك اصدقائك والناس اللي تعزهم وهالشي يفقده من يروح بس مهما يكون تبقى الطلعة من هذا الوضع المزري وبغير مكان احسن وين الكرامه اللي تكول عنها اشو ابسط الحقوق الأنسانيه اللي المفروض منفكر بيها مو موجوده يعني ترى اهانه النا بطريقة غير مباشره ديوجهوها النا اللي كاعدين ع الكراسي واهل الرؤوس المعممة واذا على الشغل وين اكو شي اسمه ادور تلگه ماكو هيج شي صدكني ماهو اني صارلي سنتين ادور على شغل ماكو اوك اني بنت ويجوز من الصعوبه احصل بس ترى حتى الولد هم صعبه يعني الا عرف وواسطات يعني حقه اللي هاجر ماكو شي هنا يخليك تكول اني عايش
🔸 كون مجتمعنا تختلف تربية ابناءه وعاداته من منطقه لاخرى ومن عائلة لاخرى
🔹لكن علمنا ومدارسنا ومنهاجنا واحده
➖ هل تزيد الشهاده من تفتح العقل والوعي ؟ ام ان من تربى ع التخلف سيبقى منغلق الفكر وان نال اعلى الشهادات ؟؟
🐰
هي المفروض انو تزيد وعي للأنسان بس احنا ماكو هيج شي لأنو على لما يحصل الشهادة يحس انو هالشي جان واجب مفروض عليه يأديه وبس من دون ميستفاد منه شي او بالأحرى هو التعليم بالعراق هيج فـ الأغلبية الكثيرة يحصل شهادة بس متزيد على ثقافته ولا شي يبقى على نفس ما تربى .