اذا كان لديكي صديقة متزوجه و زوجها تزوج عليها ..ماذا سيكون موقفك تجاهاه ؟ و ماذا ستنصحينها ؟
رد فعلي راح يختلف باختلاف تفاصيل هذا الموقف! هل تزوج عليها بالسر؟ هل تزوج عليها بسبب تقصير منها؟ و هل .. و هل ...؟؟ اذا كانت ماتدري ان زوجها متزوج عليها ماراح أتدخل و أقولها! لأنها عاجلا أم آجلا راح تعرف و مابي أكون انا اللي أنقل لها هذا الخبر.. لكن راح أنصحها أو أنبهها بشكل غير مباشر لشغلات ممكن تكون لافته لانتباهي أو يعني أهيّئها نفسيا ... اذا كانت مقصره بحق زوجها راح أنبّهها على أغلاطها و باسلوب غير جارح بقولها انت اهيه السبب! علشان تعدل من عيوبها و يمكن تصلح من علاقتها معاه. اذا كان اهوه فيه عيوب الدنيا و ما منه فايده و ماكو أمل يتعدل .. هني للأسف ماقدر أقولها (تطلقي منه و خل يولي!) لأن مالي حق اني أهدم بيتها !! لكن أيضا بشكل غير مباشر راح أنبّهها ان زواجها هذا مصيره الفشل علشان اهيه بنفسها توصل لقرار الطلاق. و في النهايه .. في بعض الحريم يتقبلون فكره ان لهم شريكه (أنا مو منهم لول) هههه
ما رأيك بتغريدات الأدعية و القرأن التي تظهر في تايم لاين تويتر كل ساعة ؟ هل تقرأها ؟ هل تشعر بأنها مزعجة احياناً ؟
أحب أقرى الأدعية و هالشغلات على تويتر بالعكس مو مزعجه أبدا، وأحيانا أسوي لها برنت سكرين وأخرّنها عندي x) لكن اللي يزعجني لما شخص جاهل يتفلسف بالدين أو يحط فتاوي من عنده xD
What countries would you travel to if you were to do a world trip?
جنوب أفريقيا - أستراليا - البرازيل - إيطاليا - مصر - اليمن - المغرب - ألاسكا - اليابان - الهند - اندونيسيا .. مادري x")
What was the last song you heard?
Madonna - La Isla Bonita
شو رايكم بنظام {التحييير } ، اقصد لما الاهل يختارون البنت المناسبه لولدهم من يوم هم صغااار وينتظرونهم لما يكبرون عشان ياخذ بنت عمته او البنت المحيره ، انتوا مع او ضد ويا هالنظام ، ولييش؟
ضد X أبدا ما أأيد زواج الأقارب (ولا الزواج المبكر). لما الأهل يختارون فلان حق فلانه و ينشرون هالشي بين الأقارب مايعطون الطرفين فرصه للاختيار، وبيكونون شبه مجبورين على هالزواج، و فيه احراج اذا أحد الطرفين مايبي الطرف الثاني.. والبنت نفس الشي.. ممكن يتقدم لخطبتها أشخاص زينين لكن أهلها بيرفضونه بسبب انها لازم تنطر فلان يتقدم لها! ياما ناس تزوجوا مجبورين و تطلقوا بعدين لأن ما كان قرار الزواج بيدهم. طبعا أستثني الحالات اللي اثنيناتهم يبون بعض.