فما فرق كبير بين الحب و التعلق ، الحب يعني إنسان تعجبو كيما إنت ، يعشق تفاصيلك ، يحب الباهي و الخايب إلي فيك ، يفرح وقت فرحك و يبكي معاك وقت تعبك ، يكون ديما بجانبك ، يعطيك من وقتو و من حياتو و من روحو و من جوجيه يموت عليك ، الحب موش كلمة تتقال و إلا إحساس يتعدى في ليلة ، لا الحب هو إلي يوري الحنية إلي فينا و يلون أياماتنا كان يكون صادق ، الحب هو الإنسان إلي تحس روحك قوي و إنت بجانبو .... أما التعلق عمرو ماكان حب ، التعلق هو وقتلي تحس إلي حياتك بلاش بيهم ظلام و إلي إنت موش قادر تعيش لحظة من غيرهم خاتر تحس بفراغ كبير و هما بعاد عليك ، تولي معادش قادر لا تتحكم في روحك و لا في إحساسك ، توصل لمرحلة إنو تحب حاجات إنت موش مقتنع بهم هذا هو التعلق مرض موش حب ... العبد إلي تحس بروحك ضعيف معاه عمرك ماكنت تحبو خاتر إلي يحبك يعطيك القوة و الفرحة ...
- “لا تعش منتظراً أحداً ..
فمن لا يعتبر وجودك مكسباً له .. لا تعتبر غيابه خسارة لك.”