بحمد ربنا دايمًا على حب الناس ليا و إن انا اى مكان بروحه او اى شخص بتعامل معاه بيكون ليا أثر لطيف ؛ ( و ده مش كلامى ده كلام اغلب اللى بيتعامل معايا ) ، الحمد لله دائمًا و أبدًا على النعمه دى ، و بتمنى دايمًا ان اكون خفيفه على ارواح الناس و مكونش مصدر اذى او ازعاج ل اى حد بتجمعني بيه الحياه .
مفيش حاجة مبتعديش ، مفيش حاجة اسمها نهاية العالم ، الدنيا مبتنتهيش من تجربة فاشلة او حاجة كنت فاهمها غلط او حد كان معاك و سابك ،زى ما بيقولوا "الدنيا مبتقفش على حد" ، كلها تجارب بتخلينا انضج و قادرين نواجه ، مهما حصلك من مواقف سيئة فى حياتك و مهما قابلت ناس أذوك ف ده كله خير ليك ، لو بصينا عالحلو اللى جوه الوحش ف هنكون بخير دايمًا.
7/12/2021 لعبة اوراق الموت، راح ضحيتها بن العاشرة ، ليلة لن تغمض فيها الاجفان ، لن يتوقف سيلان الدموع ، لله ما اعطى ولله ما اخذ ، ولا لنا الا ان ندعو له . اللهم اجعله فرطا لوالديه وذخرًا وسلفًا وأجرًا ، اللهم ثقل به موازينهما وأعظم به أجورهما ، اللهم اجعله في كفالة إبراهيم وألحقه بصالح سلف المؤمنين وأجره برحمتك من عذاب الجحيم وأبدله دارًا خيرًا من داره ، واهلًا خيرًا من اهله .
احيانًا ربنا بيبعت لنا ناس فى وقت حزننا يهونوا علينا ، من غير ما يكونوا عارفين ان احنا بنمر بالحزن ده ، بيجوا من غير مناسبة يهونوا علينا و يختفوا بهدوء ، و يسبونا فى حالة افضل و قادرين نواجه ، بجد ده بيبقى حب كبير من ربنا لينا ، لو الواحد فضل يفكر ب ايجابية و شاف الحلو اللى فى ثنايا الوحش هيعرف يتخطى اى حاجة بيمر بيها مهما كانت صعبة ومستحيلة .
مش معنى ان الواحد مبقاش يعلق على حاجة معينة كانت بتضايقه انها مبقتش بتضايقه او انه مش واخد باله من الحاجة دى ، لا هو على علم بكل حاجة ويمكن اكتر من الاول ، بس هو كان بيعلق وبيقول انها بتضايقه عشان كان قبل كدة مهم انه يتشارك معاكم شعور ان حاجة بتضايقه ، ومعنى انه مبقاش يشارك ان الموضوع مبقاش مهم بالنسبة له ، او بالاصح كرامته اهم منكم.
ليه الناس بيخلونا نعاتب نفسنا على معاملتنا الحلوة ليهم ، يعنى الواحد بيحس بتأنيب الضمير اما يتعامل مع حد بطريقة ممكن تضايقه و اما نتعامل بطريقة كويسة بيوصلونا ل اننا نندم و نعاتب نفسنا على اللى المعاملة اللطيفة ؛ بنندم عشان بنحس انهم ميستاهلوش المعاملة دى ، رفقًا ببعض يا جماعة ، ارحموا من فى الارض يرحمكم من فى السماء.
سئل ابن تيمية : كيف أصبحتَ ؟
فقال : بين نعمتين ﻻ أدري أيتهما أفضل
ذنوب قد سترها الله عليَّ
فلم يُعيرني بها أحد من خلقه
ومودة ألقاها في قلوب العباد
ﻻ يبلغها عملي ! ❤