هنا قلبى من جوا دا اللى بيدينى القوه فى طريقى مشيت وأدينى سبقت من هنا قررت بعد مفكرت أمشى ع الصعب وعرفت أنا لما كبرت إن اللى تفكر فيه أزمه كان خوفك منه ملوش لزمه وأديك ع الصعب قدرت 💪
لما تحاول تعمل حاجه لحد بكل الحب اللى فى الدنيا ويقابلها بكل قلة الذوق والقسوه بيبقى إحساس بشع وفعلا متستناش من حد حاجه حتى الكلمه علشان جبر الخواطر على الله
اللى بيفكر ينتحر مفيش أسوار على النيل هتقدر تمنعه، لكن الأسوار ضروريه جدًا لمن لا يرغب بالإنتحار، حتى لا يموت خطأً ف صدقنى أى سور بحطه بينى وبينك أو أى حواجز ماهى إلا مجرد درع لضميرى اللى شبعان شعور بالذنب ولحمايتك إنت من الإنتحار بالخطأ.
كل الناس اللى إتسابت منكم بتصبَّر عيونهم بصوركم وبتهوِّن على بالهُم بذكراكُم لكن فيه فرق ما بين اللى بيصبَّر نفسه لحد ما ييجى يوم ويلاقى ، و بين اللى بيصبَّر نفسه لحد ما يتعود، و أنا مش هتعود، و شكلى كدا مش مكتوب لى ألاقى أنا هفضل طول عمرى بصبَّر نفسى