متخليش حد يحسسك ان القطر فاتك ، مش ضروري تتخرج من الثانويه وانت عندك ١٨ وتتخرج من الجامعه وانت عندك ٢٢ ومش ضروري انك تتجوز اول ما تتخرج ، كل شخص في قطاره الخاص ورحلته الخاصه
من كتر إلحاحي على نفسي اني مجبر اتخطى واتجاوز بقيت بتغاضى واتخطى اي شئ يمنعني من اني اكون في سلام داخلي او يحطني تحت ضغط او أذى وبقيت بتخطى الشخص قبل الموقف.
يالحبيبة مشتاقلك ، وإذا فاكره ان البعد بيفرق متهيألك.. في ف عيني مكان شبه اللمعه اتحجّر بعد ما كان دمعه، لا انا عارف اقول وابوح للناس ولا عارف اخبيه جوايا .. لسه ف عيني اجمل واحده لسه ف قلبي أول واحده وآخر واحده لسه ف بعدك وانا بين الناس حاسس وحده 🖤
الضغط اللي بيمارسه عليك كتير من الناس القريبة منك سواء بقصد او بدون بيفضل ينخر في كيانك ساعة ورا ساعة ويوم ورا يوم وكل ده بيحصل والناس اللي بتضغط لا حاسة ولا دريانة.. بالعكس.. يمكن مع مرور الوقت بيعتبروا ضغوطاتهم "حق" وأي محاولة منك انك تعبر عن انك "جبت أخرك" بتحطك في خانة "انت اتغيرت وبقيت لا تطاق" عشان كدة عود نفسك دايما ما تتحطش تحت أي ضغط.. اللي ما يعجبكش ارفضه.. واللي ما يكونش مناسبك ابعد عنه.. واللي يإذيك نفسيا صرّح بيه بدون تردد.. لأن سكوتك مرة ورا التانية ورا التالتة تحت أي مفهوم هيخسرك أهم شيء... نفسك