@narjesabualhasan#68 🇵🇸

narjes abualhasan

Ask @narjesabualhasan

Sort by:

LatestTop

لك

لازم يكون عندك شجاعة لمّا تسكّر صفحة من حياتك ، إنو ما ترجع تفتحها و لا بأي شكل كان ، و ضروري نآمن بفكرة إنو في قصص بحياتنا انتهت ، و مو صح نرجع نشغل حالنا و وقتنا فيها ، كتير قصص بالحياة انتهت بس لسّا مشغولين فيها
بلا أي فائدة ، و من الضروري نعرف نفكّر صح لنتجاوزها .

مساحة

حلو أنّك تعطي العلاقة فرصة وتنين وعشرة ، بس الأحلى أنّو بعد هالفرص ، تقتنع أنّو مافي امل ، ولمّا تقتنع ، رح تنسى بسهولة .

Related users

آحــگِ...❥•

PrinCe_MOusa’s Profile PhotoMousa Al-Dhoun
‏الحياة واسعة جدًا، لكن يضيّقها الإنسان على نفسه عندما يظن أن سعادته مرتبطة بأشياء مُعينة، غيّر مكانك قليلًا لترى الضوء

اشي حلو ... ؟ ♥️💫

atefsh’s Profile Photo⚖️ ● Atef SH ● ⚖️
الحب الصّح، إنو تعطي لشريكك ثقة أكبر، و تخلّيه يحبّ حاله بوجودك ،يتقبّل أي حدث بصير معه، و يعتبر إنو عنده سند بكلّ معنى الكلمة
الحُب هو إنو طرفين يكمّلوا بعض، يكونوا مع بعض داعمين، صادقين، مرتاحين بكل حنيّة و عفوية .

احك

لمّا تحسّ حالك مُحبط ، تذكّر إنك مو بسباق مع حدا ، و مافي شي رح يروح عليك ، بحال كنت بظروف مُعينة ، تذكّر إنو يلّي مكتوب إلك رح توصل إله و تعيشه
و إنو غلط تكون بمقارنة مع أي شخص بالعالم ، لأن لكلّ حدا ظروف و تفاصيل بتفرُق عن غيره .

مساحة

منعمل حالنا مو سامعين الحكي ، و مو منتبهين على كتير مواقف ، ببساطة منتجاهلها و منتجاوزها بلا ما نعاتب فيها ، يمكن لأن في مرحلة بالحياة بصير العتب فيها صعب ، و إنك تسمع تبرير غير منطقي أصعب ، وصلت لقناعة إنو الحياة بدها كتير من التجاهل ، كون واعي على كلشي حواليك ، بس مو بالضرورة كلشي تحكي فيه و تعطيه قيمة .

-

EhabSalahat’s Profile Photoاڀــﮪاب .
بتلاقي حالك لمّا توصل لمرحلة إنك تسعد نفسك بنفسك ، بلا ما تكون ناطر شي من أي شخص كان ، لمّا تعرف إنو مشوارك لوحدك سعادة ، و قعدتك لحالك رواق
و تنظيم يومك متل مابدك هو هدوء مو وحدة ، بتلاقي حالك و بتعرف تفاصيلك لمّا تصير انت تعرف قيمة ، حالك و شو يلّي بيسعدك و شو هو يلّي بريحك .

سطر من الذاكرة ..

areeef’s Profile Photoالرّاحِلُون وَبقَايانا ..
استغلّ أي لحظة بتعطيك سعادة و راحة
انبسط بأي ثانية بتقدر عليها و اعطيها كل طاقتك ، اللحظات الحلوة ، بتعكس عتفاصيل تانية بحياتنا و بتقوّينا و بتغيّرنا أكتر و أكتر ، العمر بيخلص و الشغل و الهموم و التعب ما بيخلصوا ، لهيك حاول تنبسط بكلّ لحظة ، و لا تفكّر غير بهاللحظة

Next

Language: English