لو انا مصنفه ب ان انا عندي اكتئاب بس مش هينفع اقول لحد بس انا عارفه وواعيه باللي انا فيه اعمل اي عشان اتخطي الموضوع دا بعيدا عن اني بصلي وكل حاجه من دي اعمل اي تاني يخرجني من الاكتئاب دا ياريت حد يفيدني بجد
هل لو الوضع الحالى اتغير نفسيتك هتتحسن ولا هتفضل لو هتتحسن مش اكتأب ده حزن إنما الاكتأب بيفضل علطول مميت
بما اني مريت بحاجة زي دي ، ف الادراك والوعي بالمشكلة اللي عندك اهم شئ ، متبقيش لوحدك مهما كانت الظروف حاولي اقحمي نفسك جوا مجموعة الوحدة بتزود الاكتئاب وبتزود الافكار السلبية ، متسيبيش نفسك للاكتئاب ، انتظمي علي العلاج اللي كاتبه الدكتور الموضوع هيطول بس ف الاخر هتلاقي نتيجة ، غير الصلاة اشغلي نفسك بحاجة بتحبيها ولو مفيش اخلقي لنفسك اي نشاط او اي حاجة وحبيها ، والاهم من ده كله الايمان ان ده كله فترة وهتعدي والاكتئاب لازم يتواجه مينفعش نتهرب منه لانه مرض زي اي مرض ..
لو متاح تتواصلى مع دكتور سواء فى عيادة او حتى اونلاين يبقى كويس.
ابدأى تخرجى كل الطاقة السلبية واللى مضايقك بأنك اول حاجه تحكى سواء لشخص او حتى لنفسك فى نوت او فويس .
تتعلمى اى حاجه تكونى بتحبيها تطلعى فى طاقتك وتشغلك .
متوهميش نفسك انتي كويسة وسيبك من كلام الدكاترة اخرجي ولو تقدري تسافري يومين ف اي مكان واشتغلي واشغلي نفسك واذكري الله دايماً وربنا يحفظك💜
مش تبقي فاضيه ، خليك دايما مشغوله ، خلي عندك انشطه كتير في حياتك ، و خليك اجتماعية ، و قربي من ربنا جدا
تدورى على حاجه تشغلك جامد
شخصتي نفسك ع اساس ايه ؟
الحاجات دي لازمها ثيرابست للتشخيص و العلاج
تروحي لطبيب يساعدك
طبعا الصلاة والقرآن اهم حاجة التانية انك تخرجي او اعملي حاجة انتي بتحبيها اظبخي اكله بتحبيها مثلا العبي رياضة ارسمي اسمعي اغاني وارقصي عليها علشان تخرجي الطاقة السلبية ♥️♥️♥️
لازم مختص
