صباح الخير ف يوم من الايام ف كل سنين حياتى كان نفسى اتخطب واتجوز زى اى بنت انا عندى علاقات سابقة بس كلها ف اطار الارتباط مفيش حد هيتجوز اللى بيكلمها غير ناادر جدا المهم قدر لى واتخطبت ومش راضية عن خطوبتى انا مش بظلمه انا بعامله عادى وف حدود جدا وبحاول احبه المهم ف حمل عليا نفسى ارجع سينجل تانى
طالما مش مرتاحه خلاص متتغطيش ع نفسك
مش عارف اقولك ايه
ديه مشكله نفسيه ملهاش علاقه بالشخص اللي معاكي ...
أقدر أقولك انت مش حتعرفي تاخد قرار حاليا وده مستحيل لأنك حتظلمي نفسك وحتظلميه معاكي كل اللي انت عاوزاه تلت حاجات :
وقت ، كتابه المشاعر اللي انت حاسه بيها ، الصفاء .
وقت للعلاج وده تقوليله بعد اذنك اديني وقت شويه علشان اعرف احدد مسير العلاقه ،
تكتبي مشاعرك لان عمرك ما حتفكري صح لو كل حاجه حواليكي عشوائية مفهاش تنظيم وكتابه المشاعر أدق في التصوير لأنك حتلاقي أن فيه مشاعر ملهاش لازمه سواء ده كان تصورات بالفشل من علاقه فاشله قبل كدا أو أنك شايفه نفس مجريات الأمور بتكرر تاني فخايفه ده يعمل نفس النتيجه خلصتي حاولي تشوفي الشخص اللي معاكي مميزاته ايه وسلبياته ايه وايه حعرف اتعايش معاه وايه مش حعرف اتعايش معاه وايه هو اللي ناقصه او ايه اللي انا كنت بتخيله في دماغي ومش لاقياه الأمور كويسه معاكي تمام تمام مش تمام قولي انا خايفه أظلمك معاي شوف حد غيري وبعد كدا تعمل ريكافر لكل العلاقات اللي في حياتك علشان تعرفي تكملي حياتك لا البكاء علي اللي فات بيرجع حاجه ولا التمني من غير عمل حيعمل حاجه.View more
سبيه ومترتبطيش بحد واستني نصيبك لما يجي هتلاقي نفسك مرتاحه🥰
بجد عقليات البنات الفترة دي بقت غريبه جدا
إنتي شايفة ايه ؟
هي مش باينة ؟
دي حقيقه ساعات الواحد بيبقي حمل عليه العلاقه دي حلهااا سهل خدو اجازه اسبوع من بعض وبلاش تخسيره لمجرد انك مش قابله الوضع عشان سعتها هنتدمي عشان الانسان مننااا مش بيحس بقيمه الحاجه غير لما تضيع منو 🤞
ليه يسطا!
مش تحمدى ربنا أنه رزقك الحلال!
ولا انتى لسة م تعافيتيش م اللى فات!
فيه كذا نقطة حابة اعلق عليها
أهمها انك لو مش حابة خطيبك و مش قبلاه كلميه بكل صراحة أنا عارفة أنه صعب بس دا اهون بكتير من انكم تكملو
و تضيعو عمركم و في الاخر هتسيبو بعض ف ليه وجع القلب خليكي صريحة معاه و انفصلي من دلوقتي و ربنا يعوضكم إنتم الاتنين بناس تانية تكونو سعداء معاهم
أما بقا نقطة اصل مفيش واحد بيتجوز واحدة كان بيكلمها فأنا هنا مش قاضي
و لا شيخ عشان احكم و اقول ايه الصح
و الغلط بس نفترض أن فيه واحد كلم
بنات كتير و سابهم و قال مش هتجوز واحدة كلمتها فالشيء الي انا متأكدة
منه إن ربنا عدل مش معقول هو يقنع واحدة بالجواز و يسبها و يروح يتجوز واحدة مكنش بيكلمها قال هو كدة ذكي يعني و دنجوان عصره عدل من ربنا هتبقي مكلمة هي كمان غيره خداعه لغيره هيتردله بشكل أو بأخر مهما اتشقلب و حاول يهرب
أما انتي فعشان تعرفي تكملي حياتك لازم تسامحي نفسك علي اي ماضي انتي شيفاه غلط و تتعلمي منه و كلنا بشر بنخطيء و بنتوب المهم منكررش اخطائنا و مش معني انك كلمتي حد قبل كدة و كان معشمك بالجواز و سابك إنك خلاص مش من حقك بقا تحبي و تتجوزي الشخص الصح و تدفني نفسك بالحياة زي ما قلت فوق احنا بنتعلم من اخطائنا و دا بينعكس ع قراراتنا بعد كدة الي علي أساسها هتبقي حياتنا افضل برحمة ربنا طبعا
اسفة طولت اوي عليكي بس حسيت انك محتاجة حد يقولك كدة 😇View more
خلاص سبيه سهلة والله بس احنا بنصعبها ع نفسنا نموت ف ضيق التنفس