أنا معنديش مشكله مع النهايات ولا الخساره ، لكن عندي مشكلة مع الحاجات اللي بتفضل مدة طويلة حلوه و بتنتهي بشكل بهتان ملوش ملامح ولا أسباب منطقيه ، اه هو صحيح كله بيعدي ، بس يا تري بياخد معاه قد ايه صحة وأعصاب وطاقة وهو ماشي🍁
أعتقد من أسوأ اللحظات اللي ممكن تمر علي الإنسان لحظة أكتشافه قد إيه هو مغفل ، وإنُه كان مضحوك عليه ، وهنا بقي بتبدي دماغه تسوحه وتخليه يشك في كل ذكري وكل كلمة اتقالتلُه ، اللي هو بص يا عبيط بص كل ده كان كدب وأنت زي الاهبل صدقت وطلعت زيك زي أي حد عادي بلا سبيشيال بلا نيلة .🥺
سهل اوي ناس تقررب منك و انت مرتاح نفسيا ، سهل يقربوا منك و يضحكوا في الصور و كأنهم اهلك و ناسك ، سهل يدوك حاجات و انت في غني عنها بس اسمهم بيدوك وهما متأكدين انك مش محتاجها ، سهل تشوف الناس في المناسبات الحلوه ، و يقربوا منك كأنهم سندك و مش هيسيبوك ابدا ، لكن قليل اوي اللي هيقرب منك وقت ضعفك و احتياجك له ، متتغرش ولا تفرح للمه كدابه ، خليك مع اللي مش هتهون عليه ، مع اللي يخاف علي زعلك ، مع اللي غيابك بيأثر فيه .. المواقف بتبين الناس ، بتبين الغالي و الرخيص .. نقطه و من اول السطر و كمل 🖤