مش كل حد بنقدر نحكي عنه صاحبنا او الشخص لي بنقدر نعتمد عليه ، عادي ياما سمعنا كلمة أنا صاحبك ومواقف اثبت انهم فعلا صحاب وبعدها بفترة كلو تغير وانقلبت المشاعر واختلف الحديث ...
خليك الاساس لي بتبني حياتك عشانه او عليه ، ما تخلي اولوياتك بالحياة أنك تعمل أي شي عشان حد لان ما حدا ثابت معك ، خليك حد متطور فكرياً وناضج عاطفياً .... واكيد كل شي بدو وقت لا تستعجل لتحصل كل شي 🌻🌻
آخر فترة بطلت عارف أحدد علاقتي ب أي حدا ومدى العشم إللي المفروض أتعامل فيه ، دايمًا بضل أحكي طيب أسأله ولا ما أسأله؟ طيب أطلب منه يساعدني بكذا ولا لأ خلص مش لهالدرجة هاي ، طيب لو هسا حكيت هيك الرد شو رح يكون؟ عادي ولا مش عادي؟ وجد هاي من أكثر الشغلات المتعبة بالعلاقات ، إنك ما تكون عارف إنت وين واقف وصلاحياتك بالنقطة هاي شو هي!يارب ابعثلنا ناس واضحة وسهلة وصريحة وخفيفة وخلّينا دايمًا خفاف لطاف علي أي حدا بعرفنا يارب❤️