أنا مبحبش اكون حمل تقيل ع الناس ، أنا صعبة وعارفة ده ، عصبية جداً ، مزاجي بيتغير بسرعة ، غيورة لأبعد الحدود ، مشاعري دايماً ع وشي ، مبعرفش اكون مصطنعة ، بس عمري ماطلبت من حد يستحملني أو يفضل ف حياتي ، اللي بيختار يبعد بنساه ، واللي اختارني مره هفضل اختاره طول حياتي ♥️
لما حد بيجى يعتذرلي او يحكيلي سوء الفهم اللى حصل بينا مبعرفش اتعامل معاه انه غلطان وبكتفى بأنى اغير الموضوع واحسسه انى مش زعلانة منه والموضوع انتهى خلاص ، وحقيقى مجرد الإحساس بالذنب وانه كلف نفسه بأنه ميسبكش لنفسك تخبط دماغك فى الحيط وجه يطيب خاطرك دى لوحدها كفيله انها تنسينى اى زعل بينا 💙✨
عمري ما عملت بلوك لحد قريب مني وحاولت أراقبه من بعيد ، يمكن لأني مبقدرش أمشي من حياة شخص بحبه إلا بعد ما يخرج مني تمامًا ، مش قسوة بس زُهد ، بحس إني معنديش حاجة تانية تتقدم ، معنديش محاولات إضافية ، غالبًا لأني بحاول أدي فرص ، فرص كتير جدًا لدرجة إن اللي قُدامي يظن إن صبري لا نهائي ويمكن معنديش كرامة ، لغاية ما بوصل للحظة إني أتقفل ، وأمشي 💙