لو الواحد مننا اخد قرار بخصوص موضوع معين في حياته وكان مقتنع وقتها ان القرار ده هو الصح واكتشف بعد ما عدي وقت انه مش صح وانه ضيع من ايديه فرصه كبيره يعمل ايه؟
من فترة قرأت جملة بتقول : you did what you did because you felt how you felt and now it is what it is .. بمعني : انت عملت اللي عملته عشان ساعتها حسيت اللي حسيته ! و خلاص ده امر واقع .. .. مع الوقت الإنسان بيبتدي يكتسب قناعة - حتي و لو بصورة غير مباشرة - إن الندم حالة حتمية ! ،، مهما يعمل او يقرر حيكون فيه جزء ما جواه معترض او شايف ان كان ممكن يكون الموقف بشكل افضل او انسب .. ليه ده حصل ؟! او ليه ده محصلش ؟! .. يتسحل في سيناريوهات خيالية و دوامة من الدواير المفرغة ! ... و يبقي الذكاء هو تخطي الجزء ده .. يعني ميوقفش عنده كتير .. ميتنحش !! .. عشان ياما ناس ضيعت عمرها في الفشل و جلد الذات بالتتنيح ده !! .. فاللي حصل خلاص حصل و اللي محصلش في ساعتها خلاص محصلش !! ... فالكلام اللي اتقال لا يمكن يتمسح او الكلام اللي متقلش في وقته مش ممكن يتقال .. الخطوة اللي اتخدت خلاص بنعيش توابعها و اللي متخدتش مهما اتخدت بعدين حتبقي مختلفة ... فيبقي لعنة الانسان الأبدية انه مربوط بين " لسه مجاش الوقت المناسب " أو "ياخسارة فات الأوان " ! و كسر اللعنة ديه إن الواحد يدرك ، إن القوة الحقيقة مش انك تعيد صياغة حياتك ، إنما القوة انك تقدر تكملها .. ! "))- كرولس بهجت.
ايات ادعيلي ربنا ما يشمت حد فيا ابدا و يسترها معاي ف النتيجة انا عارفة انها هتكون اوحش نتيجة ف عمرى عشان معملتش ال عليا ومذاكرتش حلو زي كل سنة خايفه اشيل مواد ساعيتها قلبي ممكن يوقف من الزعل يارب هون
لمّا كنت ف الكلية .. عدى عليَّ تيرم سيء جدا بمذاكرته وامتحاناته .. كنت طول الوقت بعيط قبل الامتحانات وأثناءها وبعدها .. كنت علطول بقول إن النتيجة دي هتكون وحشة جدا وزي م بتقولي كدا احتمال كمان أشيل مادة ! بس من جوايا مابطلتش أحسن الظن بالله وأدعي ف كل وقت وبيقين .. أصل ربنا كريم جدًا بيعاملنا بالإحسان وفعلا الحمدلله ربنا جبرني ونتيجة التيرم دا كانت من أفضل النتائج اللي جبتها ع مدار دراستي ف الكلية ! يعني صدقيني مش بحساباتنا احنا خالص .. ربنا تدابيره عظيمة فعلا .. ماتقلقيش 💙 خير جدًا بإذن الله، وربنا هيراضيكِ "))
أنا واحدة ما تعرفيهاش دخلت أكونتك من ثواني قرأت البايو ودعيتلك ربنا يجبر بخاطرك، نزلت لقيت السؤال دا في وشي، حسيت إن زي ما إنتِ دعيتي لصاحبة السؤال ربنا سخرني ليكِ علشان أدعيلك.
اللّٰه 💙💙💙 دا إيه الصباح الحِلو دا ! .. شكرًا جدًا بجد ربنا يراضيكِ ويسخرلك انتِ كمان اللي يجبرك زي م جبرتي خاطري."))
من شخص طموح، نشيط، جاد، مكافح، عايز يوصل رسالته للعالم، له أهدافه وطموحاته ومحدد هو عايز يوصل فين كويس، واثق من نفسه وعارف المكان اللي مستنيه، لشخص كسول، بارد، بلا هدف، بلا شغف، مش شاغل باله يفكر في مستقبله اللي بلا ملامح.. يحاصرني قول باسم سلامة :"كان من المفترض أن أخرج منتصرا، لا أعرف من أين أتت كل هذه الهزائم". !- آيـات أشرف.