عشان تبقي مواطن مصري مطلوب منك : ١- تصدق ان في جهاز بيحول الايدز لكفته ٢- تصدق ان روسيا حاتدينا احدث اسلحه و طيارات من عندها لاجل عيون السيسي ٣- تصدق لان امريكا بتترعب من السيسي ٤- تصدق انهم حايبنو مليون وحده سكنيه مدعمه للشباب ٥- تصدق اثيوبيا مش حاتكمل بناء السد خوفا من مصر ٦- اي حاجه تحصل " كنكه القهوه تفور , سيد معوض حايعتزل " يبقي الاخوان هم السبب ٧- تصدق ان رفع مرتبات و ميزانيه الجيش و الشرطه و تقليل مخصصات الدواء ده عشان مصر ٨- تقتنع ان الاعتقالات و القتل و التعذيب ضروري عشان نحافظ علي الديموقراطيه من الارهاب !!!! ٩- تستحمل قطع الكهرباء و المياه و تدعي للحكومه بالتوفيق ١٠ - تستحمل روتين و عطله مصالح الحكومه ١١- تبتسم بعد ما تتشتم من الظابط بالام و تشكره لدوره في حفظ الامن ١٢- تستحمل زحمه المواصلات ١٣ - تدفع رشوه طول مانت ماشي عشان تخلص مصالحك ١٤- ما تشتكيش من انتشار السرقه و البلطجه ١٥ - اركب عجل للشغل او اتمشي ١٦ - اتبرع لمستشفي ٥٧٣٥٧ ١٧ - اتبرع بنص مرتبك ١٨- اتبرع لبنك الطعام ١٩ - اتبرع لمستشفي مجدي يعقوب ٢٠ - اتفرج علي عبد الرحيم علي و عكاشه ٢١ - استحمل الامراض و التلوث ٢٢- اتفرج علي CBC و امشي ورا كلام عمرو مصطفي ٢٣- قول ورايا "لن اسمح للتاريخ ان يكتب ان الجيش تحرك من اجل مصالحه الشخصيه" ٢٤- انضم لتمرد و اقلب مطبلاتي زيهم ٢٥- اتبرع لجامعه زويل ٢٦- انسي ان السيسي كان قال انه مش حايترشح ٢٧- قول ورايا " احنا في ثوره مش انقلاب " ٢٨- ابله فاهيتها جاسوسه و بتقول شفرات ٢٩- ادفع فواتير الكهربا و الغاز الزياده و انت بتشكر الريس ٣٠- ردد ان حماس هيا الي فتحت السجون و حرقت الاقسام ٣١- انزل مظاهرات تفويض كل ما النظام يحتاجك و الاعلام يقولك ٣٢- اسحب بناتك و مراتك و ارقصو قصاد اللجان و في الشوارع ٣٣- حط تسلم الايادي نغمه تليفونك ٣٤- قول ورايا " انا مبحبش الواسطه " بعد ما تشغل عيالك في المخابرات ٣٥- اطلع علي سوق العبور و اشتغل علي عربيه خضار ٣٦- ركب لمض موفره ٣٧- صدق ان جامعه القاهره عليها عجز ٥٠٠ مليون و بتتبرع ب ٢٠ مليون ٣٩- قول معايا " الاخوان بيموتو نفسهم ... الاخوان بيموتو نفسهم " ٤٠- كل ما تقعد في حته قول ان الثوار عملا و قابضين و مبارك و العادلي لم يفسدوا مصر