يارب.. عشمانين فيك بزيادة، تايهين ونورك دليلنا، طمعانين في كرمك، وماشيين بسترك.. أجبر بخاطرنا، وسلمنا من كل أذى، وحقق لكل واحد الأمنية اللي بتبات على عتبة صدره، وطرف لسانه.
أوقات الخصام هي اللحظات الأصدق لاختبار عمق أو هشاشة الصداقة، والحب بين طرفين.. فيه اللي مش هيقبل توصلوا لمرحلة الخصام أساساً، وفيه اللي منتظر الخصام لإنه بالنسباله تلكيكة مش أكتر عشان يبعد.. فيه اللي بيخاصم وهو له حق بس مع أول خطوة منك هيمشيلك عشرة لإنه باقي عليك وشاريك.. فيه اللي في لحظة خصامه معاك لسانه هيخونه ويفلت بكلام اتقل من سبب الخلاف أساساً بس بيكشفلك قلبه كان محمل من ناحيتك بإيه.. فيه اللي خصامكم مصلحة ليكم أنتم الإتنين.. فيه اللي بعد خصامك معاه دنيتك هتنور، وفيه اللي هتكتشف فضيان دنيتك لما يغيب..حقيقة العلاقات بتكشف معدنها الخلافات، وبيها بتعرف مكانك ومكانتك.🤝
السلام عليكم..صباح الخير وكل خير جعله الله لا ينقطع منك أبدًا💙رسالتك"يأتِ بها الله..يأتِ بها دائمًا مثلما تريد،بل وأحسن مما تريد،يأتِ بها وإن تأخرت لسبب يعلمه ولا تعلمه،يأتِ بها في الوقت المناسب تمامًا وبالطريقة التي اختـارها لك ولم تخطر لك على البال،ولسوف يعطيك ربنا؛ فترضی وتسعد"💜"أنون الجمعة"