اتعرّفت مؤخرا عل شخصيه تحمل عل عاتقها فلسفه غايه ف الخطورة الا و هي ان "كلنا فاسدون" و وظيفته ف الحياه انه يفتش في نفوس المحيطين بيه -طبعا بيعمل دا بمنتهى العبثيه و بدون اي معيار حقيقي منطقي او مراعي- عن اي شيء يكونو بيه اوغاد و منحطين زيه او اسوأ فيطلع هو احسن منهم .. بعيدا عن العته دا بيتهيألي ان رؤيتنا لغيرنا هتفضل رؤيه من منظور ما و منحازه لطبيعتنا و افكارنا و ميولنا الخاصه و ان الانسان محتاج يشتغل على انصافه و تنمية قدرته عل الاستقراء باقل درجة انحياز ممكنه و ان كل ما تفهم الشخص طبيعته الذاتيه كل ما كان اكثر مرونه ف استيعاب غيره .. و ان رغم اي شيء فأي شخص هتقابله هتفضل تكتشف فيه جديد لانه اكتر من مجرد مجموعة تصرفات ف ظروف او فتره ما ..
بمناسبة البدايات فيه حد كدا كل شوية يعمل لقطة قال اي بيحط عليا و بينتقم هيخو ، المهم ان المشكله مش ف اللقطه قد ما ف نيته بالنسبه ليا ، حتى اللقطه مش لقطه اصلا بس ببعض التأثر بقنعه انها جامده .. بقعد استحضر شخصية ذا بنشر و لورد دي مونت كريستو و كل عظماء الانتقام اللي كان ديما بيستهويني اشوفهم و بشعر بنوع من الشبع و هما بينتقمو ف حاجات تستاهل بجد و باقسى الطرق و بعد ما بولع فيه و ف حياته و برسم كل المؤامرات الممكنه بقول اللهم اخزيك يا شيطان دا عيل تافه ملووش لازمه .. الموهيم ان الانسان بتماهيه مع بعض الافكار حتى لو ف الخيال فهو بيقدم مجموعة من المبررات اللي بيبقى صعب منطقتها في سياقتها وقتها و حقيقي الانسان سهل جدا تحويله لمجرد اداه للاذى و الفساد و المدينه الديستوبيه اللي مستقبلها مليان بالظلام و الافساد عايشه جوا الانسان نفسه و احتمال وارد اينما حل .. و في سياق اخر الحمد لله اللي بيدبر لينا فرص لتصحيح اوضاعنا و تدارك ظلمنا ناحية غيرنا ، و الحمد لله لمّا بيتحمل عننا ان تحمّل و الحمد لله حتى لما بيقع علينا انتقام الغير مننا لعلنا نرجع عن ظلم او يُرفع عننا عقاب ابشع ف الآخرة ..
مش عارف لي حسيت ان دي بدايه مناسبه لليوم :" Listen to Loai - Kan Wahed Mn El Nas لؤي - كان واحد من الناس by Karim Abdel Aziz on #SoundCloud https://soundcloud.app.goo.gl/fMtsL