وبعد كل ده بتسأل ليه اتغيرت؟يا ريتك كنت صادق معايا من الأول .. كنت احترمتك وقدرتك .. ولو وافقت ساعتها أننا نكمل مع بعض يبقى مش هلوم إلا نفسي ومش هضايق من أي تضحيات. لكن تبقى بتستغلني وتستغل مشاعري ناحيتك وتبقى كداب وتلعب على وتر أنك بتحبني وأنا أصدق. الكلام ده كان زمان .. أنا دلوقتي إنسانة تانية مجروحة ومش طايقة أسمع سيرتك فعلا .. وهيدور الزمان وكما تدين تدان. كل مشاعر الاستغلال والجدل والبؤس اللي أنت عيشتني فيه ربنا وحده القادر أنه يعيشك فيها طول ما انت عايش.