عندى رهاب اجتماعى و انطوائيه بكره التجمعات و الصوت العالى هل دا ممكن يتغير ؟

August 19, 2023

جربى تخرجى اكتر مع ناس بتحبيهم ، و متخرجيش ف اماكن زحمه اوى
و لو فيه اوبشن انك تشتغلى و تتعرفى ع ناس اكتر اعملى كدا ، او انضمى لأى تيم أو نشاط كويس بحيث انك تدربى نفسك ع التعامل اكتر ، وواحده واحده هتلاقى الدنيا بتظبط معاكى

0

مطبخ مفتوح يبقا قدامه سفره ولا صالون احسن ؟!

August 17, 2023

سفره ، صالون مش مناسب خالص
ممكن ادامه ركنه و تبقا ليڤينج لو ليه امكانيه

0

" أنا حبيت نادرة يا أصداف علشان مش بإيدي، ربنا هو صاحب الأمر على القلوب مش أني، ربنا أمر قلبي بمحبتها وما أمرش قلبها غير بيوسف.. لو كان الأمر بإيدي يا أصداف كنت حبيتك لكن من امتى القلوب بتعمل الصح؟! القلوب بتعمل المكتوب بس يا صدف، غصب عني ماليش في القلب أمر، ماتزعليش مني، سامحيني أهو ده اللي صار

August 17, 2023

" مفيش ف الحب غصب ، مع أن الحب غصب "
احب المسلسلات لقلبى💙

2

هو اي حد شغال في المجال الطبي بيتأثر بالمريض وتعبه ويروح البيت زعلان عليه وكده ولا انا بس اللي دماغه عيانه ؟

July 15, 2023

اول فتره اه بعد شويه بتاخدى مناعه و تتأثرى لدقايق و تدعيلهم ربنا يشفيهم و خلاص ، و عموما لازم تفصلى بين المستشفى و حياتك برا عشان متتعبيش

0

المفروص انا منتقبة وفي حد متقدملي المفروض اطلع بالنقاب ولا لا

May 06, 2023

لو معاه باباه أو اخوه أو اى حد من غير المحارم اطلعى بنقابك و لما تقعدوا لوحدكم ارفعيه
المهم أنه يشوفك يعنى

0

اشعة ولا جلدية ؟محتارة اوي ساعدوني

May 06, 2023

جلديه اكيييد
الاشعه مش ألطف حاجه الا لو كنتى ملكيش ف الشغل اوى و عاوزه حاجه رايقه كدا تقبضى منها و خلاص

0

عايزه مرطب حلو لجفاف الايد والرجل ضروري ويقعد فتره ويكون سعره حلو بليز 🥹

May 06, 2023

لونا دا حلو اوى لو ايديكى جافه و سعره بسيط ، بس هو تقيل يتحط قبل النوم مثلا لكن متخرجيش بيه

0

حد عنده فكره ازاي اضيع الريحة الوحشة من التلاجة؟

March 15, 2023

حطى فحم فى علبه مفتوحه ف التلاجه ، أو بيكربونات الصوديوم و اخلطيها مع شويه مايه ف علبه مفتوحه بردو ، بس فضى التلاجه الاول من اللى فيها و امسحيها كويس و سبيها تتهوى ساعتين و لا حاجه

0

متقدملي حد أصغر مني بسنه وخايفه اوافق ، بس عاجبني ، السن هيفرق؟

January 21, 2023

شوفى قوامته الاول و عقليته ، ياما ناس كبار سناً و عقلهم أضيق من خرم الابره 🙂 ، فالسن مش عائق لو لقيتى أنه ناضج و مسئول ، و حسب تقبلك انت للموضوع بردو بعيدا عن صفاته

0

متخرجه من سنتين وعاوزه اشتغل ومش عارفة اعمل السي في دا ازاي ارجو حد يرد مزنوقة ماديا والله

January 21, 2023

كليه ايه

0