لو في شخص متقدملك بمواصفات شبه كاملة واولها الأخلاق والأدب بس انتي في جواكي مشاعر لشخص تاني بس الشخص دا الي جواكي مشاعر ليه مش كويس بالنسبالك واحتمال كبير يتعبك ف حياتك بعدين زائد انو ما اعطاش وعد انه بيفكر بشكل جدي ف الموضوع وهياخد بعد وقت ما خطوة الزواج المفروض اي الحل ؟
هوافق على اللي متقدملي لو مناسب
انا عن نفسي بشوف في الحالة دي اني ابعد عن الاتنين اول حاجه عشان الشخص اللي انا بحبه كدة بيأذيني نفسياً وهيأذيني في حياتي تاني حاجه عشان مأذيش انا الشخص الكويس اللي عايز يدخل حياتي
كل شئ قسمه ونصيب مهما لفينا
تبعدي عن الشخص اللي جواكي مشاعر ناحيته طالما هيتعبك ومش كويس ومتوافقيش على اللي متقدملك لان مينفعش ترتبطي بجد وانتى بتفكري او بتحبي حد تاني
استخيري ربنا وحكمي عقلك وبس
هختار الي هيريحني طبعا ف نفس الوقت من غير ما اظلمه مش هفضل معلقه نفسي ب حد معرفش هو جاي ولا لا
ربنا يصلحلك الحال عسي ان تكرهوا شيئا
طبيعي نختار المتربي ابن الناس علشان نلاقي المودة والرحمة والسكن
اشتري صاحب الأدب والأخلاق وهتحبيه وهتحبي الأمان معاه، واتركي هواكي للآخَر لأن فقدان راحة البال والسلام النفسي معاه هيحول الحب لكُره مع الوقت عاجلاً أو آجلاً مهما ظننتي غير ذلك.
ادي فرصه للشخص المتحرم اللي متقدملك واقعدي معاه وشوفي لو مرتاحه فعلا توكلي علي الله واعرفي كويس ان اهم حاجه تكملي مع شخص يراعي. ربنا فيكي ويصونك ويبقي فيه موده بينكم المشاعر قبل الجواز دي مش كل حاجه كده كده بتتغير مع الوقت ففكري صح
