مش دايمًا بيبقى الأصح إنك تاخد حقك في الدنيا؛ أصل أحيانًا عشان تاخد حقك لازم تبقى حقير أو خسيس أو جاحد أو غدّار أو كذاب أو مؤذي، بيبقى لازم تتوسخ في الوحل عشان تقدر تاخد حقك، تتحول لنفس المَسخ المشوه اللي كنت بتتعامل معاه، ودي حاجة ولاد الأصول مبيستحملوهاش على نفسهم أبدًا، أصل مينفعش تؤذي نفسك أكتر عشان تاخد حقك! مش كل الحقوق بتتاخد بإيدينا؛ فيه مظالم بتخلص وحقوق بتتردلنا في الدنيا قدام عينينا، وحقنا بيرجع والله من غير حتى ما نسعاله، وفيه حقوق مكتوبلها تترد بشكل أعظم جبرًا، يوم الحساب اللي مفيهوش تلفيق ولا فهلوة ولا قلب ترابيزة. اصبر؛ تَنُل جُبران الرحمن الرحيم.
محدش غاوي وجع قلب وقريفة؛ بس إكتئابك أو إنشكاحك ليهم علاقة مباشرة بحتة أنت متحاوط بـ مين.. اللى جنبك بيطبع عليك.. فيه ناس بتشفط من وشك الحيوية وناس مجرد قربك منهم يصغرك فى السن.. فيه ناس بتطفيك وناس نورها يسري منها فيك.
محدش يعاتب أو يحرق دمه في ثوابت.. الصح معروف.. الغلط غلط.. اللى إتربى إتربى من زمان.. الأصول محدش بيكتسبها.. الغلاوة محدش بيشتريها.. غير كده جدل وتضييع وقت.. إحنا مش هنعالج الناس ولا هما هيخفّوا.