نخرج من جو الامتحانات
واحكي عن موقف يضحك ومش قادر تنساه
كنت مع صاحبتي في الكلية ودخلنا مكتب نسال علي دباسة وبعدين الدباسة لزقت في الورق فلما سالنا عن حد يطلعه الراجل قالنا لا نادوا نور بقي راحت صاحبتي بعلو صوتها وبكل ثقة قالت يا استاااذة نور ! بعدين لقينا نور داخل علينا وطلع راجل ..
ادعوا الله في كل وقت وفي وكل صلاه ب أمنيه انها تتحقق والامنيه دي في خير والله 🌼
ادعولي بظاهر الغيب انها تتحقق بالله عليكم 🙏🏻
ربنا يحقق كل ما تريدونه وأكثر ان شاء الله 💙
اسفة ع التدخل .. بس مين قال إن ربنا عايز حاجة تانية؟ ربنا بيحطنا ف المكان المناسب لينا .. ما علينا إلا السعى والدعاء بالى احنا عايزينه ولو مناسب هيبقى لينا
اسعى .. انت متعرفش فين مكانك المناسب ولا عارف ربنا كتبلك ايه.. ممكن يكون الى انت عايزه مكتوبلك ومستنيك تسعاله بدون ملل
ايه اللي اكدلك انه مدبرلك شئ تاني مايمكن هو هو اللي هاتحلم؟ي به!! والاهم هو ايه اللي اكدلك ان اللي بتحلم /ي به ده هو الصح والخير ؟؟بس اللي مفيهاش جدال انه اختيار ربنا هو اللي الخير دايما مهما كان
شكرا جدا يهاجر ❤❤ إن شاء الله هعمل احسن ما يمكن واقولك على نتيجة حلوة بعد كام شهر
ردودك عموما بتدينى شوية طاقة ولو كانت بسيطة .. ربنا يوفقك ويوفقنا جميعا
ياسلااام يا ستي عيني والله اول ماتحسي انك محتاجاني في اي وقت تعالي علي طول وهتلاقيني ..هاستني تطمنيني عليكي وان شاء الله ربنا هايفرح قلبك ...ربنا يكرمنا كلنا يا جميلة
العيب إن السنة بدأت غلط وظروفى كانت مختلفة عن أى سنة وعن أى حد فالموضوع خرج عن السيطرة.. عندى مرض مزمن وكان المفروض اهتم بيه شوية بس بسبب ظروفى خرج هو كمان عن السيطرة
غلطت كتير السنادى.. ودى اول سنة اخد فيها دروس ف كل المواد فمش عارفة اتأقلم
مش مستحملة الضغط.. بشتغل كويس من غيره فهو مضيعنى جدا
الف سلامة عليكي يا قمر ولا تزعلي نفسك خاالص اهتمي بعلاجك جدا جدا عشان صحتك هي اهم حاجة في الدنيا ..غلطتي كتير وماله كلنا بنغلط مش عيب طول ماحنا بنسعي عشان نصلح يبقي احنا في السليم عشان كده بقي لازم تعملي الصح بالنسبة ليكي لو شايفة ان احسن انك تسبيها خلاص سبيها وكملي لوحدك انا بردو في تالته ثانوي كمانت اول سنة اخد دروس في كل حاجة وكنت زيك في الاول كده حتي اعصابي كانت مش متحملة وفاكرة كويس اني اتخانقت مع مدرس الانجليزي وفضلت ازعق فيه عشان مش قادرة اتحمل الضغط اللي عاملبنه بس واحدة واحدة لقيت الدنيا بتفك وتضبط معايا وخصوصا اني لقيت ان الدروس هاوصل منها لاسئلة كتير هاتفيدني وتريحني وتخليني اقوي عشان كده كملت فيها وربنا كرمني اخر كرم عشان عملت اللي عليا ...اقولك حاجة جربي تمشي لوحدك وشوفي مستواكي لقيتي نفسم تمام كملي علي نفس الوضع مش تمام ارجعي وكملي بردو مفيش مشكلة لسه فيه وقت متقلقيش ولو لقيتي انك هاتكملي لوحدك حاولي توصلي لاسئلة المدرسين بردو وحليها لوحدك عشان هاتفيدك ولازم لازم تفصلي عن كل حاجة شوية عشان نفسيتك وحطي في بالك ان صحتك اهم ما في الدنيا
تفتكرى اقدر اجيب مجموع كويس السنادى؟ سبت الفيزيا والكيميا .. وباقى المواد ملغبطة عندى وصحتى تعبانة اوى
بفكر اسيب الدروس واقعد بهدوء أجمع نفسى واتدرب كويس عشان الدروس بقت تاخد كل حاجة منى من غير مانا اخد منها حاجة .. هل دا صح؟
اولا انتي فعلا محتاجة فترة تهدي فيها وتستعيدي نفسك الاول قبل اي حاجة تاني حاجه لو شايفة انك صفر في الدروس اعرفي الاول العيب في مين في المدرس ولا فيكي تالت حاجة لو العيب فيكي هل لما تسيبي الدروس هاتعرفي تشيلي نفسك كويس ؟لو اه اعملي كده فورا وابداي اشتغلي مع نفسك لو لا يبقي لازم تدوري علي حلول تانية زي مثلا انك تشوفي ناس علي النت بتشرح حاولي تذاكري بالشكل اللي تحبيه حاولي تغيري نظامك وده هايغير مودك ..مثلا عاملة ايه في الفيزيا والكيميا هل بقيتي احسن لما سيبتيهم ؟ اما بالنسبة للدروس عموما فبدري اووي يعني لسه الترم التاني مبداش اصلا فلو المشكلة مش فيه متسبهوش دلوقتي وحاولي تصلحي من نفسك وتغيري مودك عشان تعرفي تكملي ...صحتك تعبانة ازاي ؟ الف سلامة علكي في كل الاحوال .....واخيرا وليس اخرا لو انتي اجنهدي وعملتي كل اللي عليكي ربنا هايديكي احلي من اللي في بالك بكتير ودي قاعدة ثابته كافية عشان تطمني