اللي ميديش امارة انه شاري ويبذل مجهود ولو بسيط في سبيل انه يحافظ عليك في أي علاقه انسانيه.. يبقي قلته احسن حتي لو روحك فيه..! الموضوع عامل بالضبط زي شويه سكر بتحطهم في كوبايه الشاي من غير تقليب وانت فاكر ان القصه انتهت لما اتحطوا مع بعض! لكن فين التقليب..؟ فين المجهود اللي هايكمل الصورة..؟!
من أهم علامات النضج هي انك تطنش بمزاجك، تعمل نفسك مش شايف ولا فاهم حاجه بمزاجك ولمزاجك بس مش اكتر.. تبقي شايف كذبهم ونفاقهم وكاشفه بس مكتفي بأنك تبتسم في سرك.. عاوز تريح دماغك ومش مهتم أن أي حد ياخد اي فكرة عنك، ذكي ولا غبي.. كفاية اللي انت عارفه عن نفسك وبس..! تتعلم تطنش بمزاجك عشان مش عاوز دوشة ولا صداع.. 👌