اللهُم إجعلنا ممن عفوت عنهُم ورضيت عنهُم وغفرت لهُم وحرمتهُم من النار وكتبت لهُم الجنّه . . اللهم إنا نسألك سترك الذي لاينكشف وعفوك الذي لا يعقبه عقوبه ورحمتك التى لا نرجوا غيرها يا أرحم الراحمين . ﷺ❤️
مافي إشي متأخر ، ما في إشي صار كان المفروض ما يصير ، ما في إشي راح عليك ، ما في شغلة لو صارت أسرع رح تاخذها وهي مش إلك ، ما في حدا طلِع من حياتك كان المفروض يضل وما في حدا مكتوب إله إنه يكمّل معك رح يروح ..خُذ بإيدك وبطّل تستعجل وإهدى وسلّم تسلم ، كل شيء بقدر وكلّه محسوب بالثانية ، ربنا "مُقيت" ولطيف بعباده وعارف بالضبط هو شو بيعمل معك ومتى! ف مهما كان إللي صاير إنت مش متروك ومش لحالك🖤
في لحظات ما بكون عندك أي حل أو تصرّف غير إنك تكمّل محاولة وجهد وسعي عشان شكلك قدام حالك أو قدّام حدا بتحبه أو حلم أو وعد ، ف بتنلغي من قاموسك فكرة إنك توقّف أو تتعب أو تحكي مش قادر ، إحنا إللي صعب نوقع وسهل نوقّف ، الإنهيار رفاهية والكسرة مش مكتوبة إلنا ولا عمرها رح تكون إلنا لأنها هانت ..صدقني ما بيوصل بالنهاية غير الشقيانين إللي بيصبروا وبيحاربوا على مليون جبهة ما حدا غيرهم بعرف عنها إشي ، إنشف وكمّل 🖤 .
"أعوذُ بالله مِن همِّ يستحكمُ القلب فينهكهُ، واستجيرُ بهِ من الوحشةِ ولوعتها، ومن القلقِ ووطأتهِ، وألتمسُ من رحمتهِ السكينةَ والآمان. وأن يزيحَ عن قلبي بلُطفهِ ترح الليالي وكآبة الأيَّام".