@rahafalhammad1234#57 🇯🇴

Rahoof

Ask @rahafalhammad1234

Sort by:

LatestTop

مساحه 🖤✨

wasan45434’s Profile PhotoWâ S Ân
النعمة الحقيقيّة إنك ما تكون "مسبّب للأذى"
إنه وجودك يكون خفيف عالنّاس وتعرف تختار كلامك منيح، إنك تجبر خاطر الي حوليك بأبسط الأشياء وتكون محبوب بأي مكان بتزوره، النعمة إنك تلاقي الناس بتجيب سيرتك بالخير وما في حد حامل بقلبه عليك.
بهالزّمن الي احنا فيه حتى اللطّف نعمة عظيمة.
_ مراد الشركسي.

Related users

_________🌹🌠

Osama9070’s Profile PhotoÔśâmâRā
‏استوقفتني عبارة في كتاب عدّاء الطائرة الورقية لا أستطيع نسيانها عندما حسن قال لأمير : "لأجلك ألف مرةٍ أخرى" .
‏وشعرت أن لا قوّة تفوق قوة الحُب في جعل الإنسان يخوض معارك التضحية والإصرار والعطاء ..
لأن لأجل الذي تحبّه -دائمًا- ستكون هناك ألفُ مرةٍ ومرّة.🍂🤍

Space 🍁

yazan1996kayyali’s Profile PhotoYazan Kayyali
لو حسيت إنك بتحب حدا . . إعرف إنه غالبًا هو كمان بحبك .
سيدنا العباس عم النبي ﷺ كان قاعد مع أصحابه فشافوا رجل أجا من بعيد . . فسيدنا العباس شاور عليه وقلهم : هذا الرجل يُحبني ! فإستغربوا وقالوا : وما يُدريك ! " شو عرفك ؟!" قال : لأني أُحبه .
على رأي المثل : القلوب عند بعضها ، والأرواح بتتلاقي في ملكوت الله ، لو فيهم شبه من بعض ، واللي تحس إنك مشدودله ، شيء طبيعي يتشدلّك ويحبك ، ويا بخته اللي أجا على بالك بهالوقت . .💙✨

• space . . ! ☕💙 °

لازم تستوعب إنه في فرق كبير بين الاختيار الصح و الاختيار اللي نفسك يكون صح ..!
مش كل الأشياء اللي بيتمناها قلبك تنفعلك، لانه التفكير بعاطفه تجاه اي شيء رح يقلل نسبة صحة حكمك عليه، اوقات لازم تفكر بعقلانيه مُفرطة عشان تشوف الشغلة على حقيقتها مثل ما هيه بدون اي عواطف،
نحنا المفروض نجتهد كيف نرفع نسبة احتمالات نجاح اختياراتنا وبعد هيك بنتوكل على الله🖤. مش نحشر حالنا بزاوية ونلوم القدّر والحجّر.

مسـاحـة للعالم..✍️⏳

anoon977’s Profile Photoمــٰحـمّــد..!’
‏مرة انحكالي :"اللي بيتعوّض لا تزعل عليه "
‏سكتت وطلع معي السؤال لا أرادياً : طيب واللي ما بيتعوّض . ؟
‏كان الجواب : " صاحب العوض موجود "
‏فـَ علقت ببالي الجملة وضليت أكررها مرّة ومرتين وثلاثة
‏ونهاية الحديث كان بجملة
‏" طول ما صاحب العوض موجود ، قادر يعوضك عن اللي فات بأحسن منه "
يارب العوض💙😌

مما لم يروق لكِ💛

MaanAbabneh’s Profile PhotoMaen (معن)
لمّا حدا يحكيلي صورتك هاي كثيير حلوة ، برجع أفتحها مرّة ثانية وأطلّع عليها حتّى لو شفتها مية مرّة قبل هيك ، بس بتضلّ مُختلفة بعد المرّة الّلي انحكالي فيها أنها حلوة ،
لو حدا حكالي ضحكتك حلوة في ريكورد معيّن ، برجع أشغله وأسمعها مرّة ثانية ، وبحسّ أنّه عنجد ضحكتي كانت حلوة وقتها ،
الكلمة الحلوة عنجدّ إلها مفعول سحري جوّانا قادر أنّه يخلّينا نشوف نفس الشّغلة بسّ بشكل سحري ومختلف🥺!

مساحة 🖤

yaserabusharkh’s Profile PhotoYaser Abusharkh || الخليلي
دائماً بتوصل إشارة من رب العالمين بـ وقت محدد بتقلّك وقف !
اترك كل شي من إيدك وارجع ..
الطريق هاد غلط ، الناس هدول ما بِناسبوك ؛ الشغل هاد رح يضرّك
دائماً بتوصل إشارة بتهز الطمأنينة جواتك، بيرجف قلبك وبتخلّيك تعيد التفكير من جديد
لما توصل هي الإشارة ما تغمّض عيونك عنها ؛ ارجع لأنه هاد الطريق مو طريقك . 🖤

شوية حكي🕊

mohammadibrah’s Profile PhotoMohammad
بضل يبهرني الشخص اللي شو ما شاف مِن اللي حوليه بضل قلبه سليم نظيف طيِّب هيِّن حنون زي ما هو وما أثَّرت عليه بشاعة المواقِف وشِدّتها.
وبضل دايماً مبهورة فيهُم أكثر بس أشوفهُم برجعوا يتعاملوا بنفس فطرتهُم السليمة، ماشيين على مبدأ :
" الحلو والخير اللي جوَّاك لازم يطلَع دايماً ".
وحقيقي نيَّال النّاس اللي قلوبهُم بتصفى مِن أوّل ما بنحكالهُم :
" آسِف "، زي كأنّه ما في شيء صار.
ولا أُزاوِد على كلام "الشَّرقاوي" لمّا حكى :
" فمهما خسرت إيّاكَ أن تخسر قلبك..
مَن يخسر قلبه مَهزوم، ولو ربحَ الدُّنيا كُلها " 🖤

مساحه 🖤✨

wasan45434’s Profile PhotoWâ S Ân
ما بنسى "الشعراوي" بس مرَّة حكى بفيديو :
" بُص إحنا مش سيِّدنا مُحمد، ولا يوسُف، ولا يونُس، ولا أي نبي من أنبياء الله..
لكن ربنا هو ربنا، اللي استجاب لكُل هدول عليهم الصلاة والسلام بستجيبلك متخافش
بس أنتَ ادعِ .. 💙

~مساحة🤍

mohammadibrah’s Profile PhotoMohammad
في اقتباس بالإنجليزي بقول: "Time spent with the right person feels like a vacation from the world".
بِما معناه إنّه الوقت اللي بتقضيه مع الإنسان الصح بِمثابة عطلة من العالم، وهذا بأكّد على إنّه الإنسان المفروض ينتَقي الأشخاص اللي بيعطيهُم وقته، ويخصهُم بحاجاته، ومشاعره وفرحه وضحكاته، لإنه بِبساطة "إذا لم نكُن مع الأشخاص الذين نُحبّهم، فنحن لاجِئون أيّنَما كنّا ...
🖤✨
هذا الاقتباس عايشه عليه انا ❤️

مساحة لطيفة ..🖤🌧

ﻓﻲ ﻓﻴﻠﻢ " One day " ﻗﺎﻟﺖ ﺍﻟﺒﻄﻠﺔ ﺟﻤﻠﺔ ﻏﺮﻳﺒﺔ
" I love you so much ... I just don't like you anymore "
" ﺃﺣﺒﻚ ﻛﺜﻴﺮﺍً ، ﻟﻜﻨﻨﻲ ﻟﻢ ﺃﻋﺪ ﻣﻌﺠﺒﺔ ﺑﻚ "
ﻫﺬﻩ ﺍﻟﻌﺒﺎﺭﺓ ﺟﻌﻠﺘﻨﻲ ﺃﻓﻜﺮ ، ﻛﻴﻒ ﻳﻤﻜﻦ ﻟﻠﻤﺮﺀ أﻥ ﻳﺤﺐ ﺃﺣﺪﻫﻢ ﻟﻜﻨﻪ ﻟﻢ ﻳﻌﺪ ﻳﺮﻏﺐ ﺑﻮﺟﻮﺩﻩ !
ﺭﺃﻳﺖ ﻫﺬﻩ ﺍﻟﺠﻤﻠﺔ ﻓﻲ ﻣﻨﺘﻬﻰ ﺍﻹﺳﻘﺎﻁ ﺍﻟﻼﻣﻨﻄﻘﻲ .
ﺑﻌﺪ ﻓﺘﺮﺓ ﻣﻦ ﺍﻟﺰﻣﻦ ﻋﺪﺕ ﻭﺑﺤﺜﺖ ﻋﻦ ﻧﻔﺲ ﺍﻟﻔﻴﻠﻢ ، ﻭﺟﺪﺕ ﺍﻟﻌﺒﺎﺭﺓ ﻣﻨﻄﻘﻴﺔ ﺟﺪﺍً . .
ﺃﻥ ﺗﺤﺐ أﺣﺪﻫﻢ ﻟﺪﺭﺟﺔ ﺍﻟﺠﻨﻮﻥ ، ﻟﻜﻦ ﺗﺼﺮﻓﺎﺗﻪ ﻭﻣﻮﺍﻗﻔﻪ ﺍﻃﻔﺄﺕ ﺷﻐﻔﻚ ﺑﻪ ، ﺃﻧﺖ ﺍﻟﺬﻱ ﻛﺎﻧﺖ أﺣﺪﺍﻗﻚ ﺗﺘﺴﻊ ﺑﺤﺠﻢ ﺍﻟﻜﻮﻥ ﻛﻠﻤﺎ ﺭﺃﻳﺘﻪ ﻣﻘﺒﻼً ، ﺃﺻﺒﺤﺖ ﻣﻘﻠﺘﻴﻚ ﺗﻀﻤﺮ ﻭﺗﺨﺘﺒﺊ ﺧﻮﻓﺎً ﻣﻦ ﻟﻘﺎﺋﻪ . .
ﺻﻔﺎﺗﻪ ﺍﻟﺘﻲ ﺃحببتها ﻷجله ، ﺗﺤﻮﻟﺖ ﻟﻤﺸﻬﺪ ﻣﻤﻴﺖ ﺗﺘﻤﻨﻰ ﻟﻮ أﻧﻚ ﻟﻢ ﺗﺸﺎﻫﺪﻩ .
ﺇﺣﺴﺎﺱ ﻣﻌﻘﺪ ﻭﻏﻴﺮ ﻣﻔﻬﻮﻡ ﻟﺪﺭﺟﺔ ﺗﻌﺠﺰ ﻋﻦ ﺷﺮﺣﻪ ! ﺻﺮﺍﻉ ﻣﺎ ﺑﻴﻦ ﺣﺒﻚ ﻟﻬﻢ ﻭﺗﺼﺮﻓﺎﺗﻬﻢ ﻣﻌﻚ ، ﻟﺬﻟﻚ ﻧﺘﻮﺻﻞ ﻓﻲ ﺍﻟﻨﻬﺎﻳﺔ ﺃﻥ ﺍﻟﻤﻨﻄﻖ ﻛﻞ ﺍﻟﻤﻨﻄﻖ ﻳﻘﻮﻝ" ﻫﺆﻻﺀ
ﻣﻨﺎﺳﺒﻴﻦ ﺟﺪﺍً ﻟﻨﺎ ، ﻟﻜﻦ ﻟﻴﺲ ﺑﺎﻟﻘﺮﺏ ﺍﻟﺬﻱ ﻧﺘﻮﻗﻌﻪ ، ﻫﻢ ﺃﺟﻤﻞ ﻓﻲ ﺍﻟﺒﻌﺪ ، ﻭﻫﻢ ﺃﻓﻀﻞ ﺣﻴﻦ ﻳﺨﺮﺟﻮﻥ ﻣﻦ ﺩﺍﺋﺮﺓ ﺍﻟﺘﻌﻠﻖ . .💙🕊️

View more

مســـآحـٰة ؛ 🖤🍂

في جملة بحبها جدا وبكل خلاف او مشكله بحكيها : " كل ساقٍ سَيُسقى بما سقى "
انت جبرت قلب حد حتُجّبر، كسرت حد حتنكسر، شوهت سمعت حد حتتجازى...
ربنا يمهل ولا يهمل 💜💜وهاد اكثر شي ممكن يواسي البني ادم
بعمره ما كان الزعل حلو ولطيف عوجوهنا نحنا ما بلبقلنا غير الضحك 🤍🤍

مساحه💙

aya_alnajdawi’s Profile Photoaya
في شي دافي جداً قرأتُه، وجايَّة احكيلكُم إيَّاه :
إذا اشتغلت بإخلاص في أي مكان حتّى لو ما حدا سمع عنَّك أو شافك بتلاقي الرزق بدوِّر عليك ولو كُنت داخل كهف أو بأطراف الأرض!.
حتّى لو ربنا ما أراد إنَّك تكون بنفس المكان اللي بدَّك إيَّاه بتلاقي ربنا برزُقك الأضعاف بمكان ثاني..
إخلاصك وإتقانك وتعبك اللي بتعمله رح يكافئك ربنا عليه، رح تلاقي بركة بكُل حياتك. 🤍

قل شيئًا..🥀

al3dwaaaan’s Profile PhotoH.Aladwan
الإنسان الصّريح بمشاعرو ومواقفو وكلامو لازم يتقدّر بالطريقة يلي بيستاهلها،
الإنسان يلّي ما بيعرف يخبّي جوا قلبو ولا بيملك نوايا مبطّنة ، ملامحو دائماً بتعبّر عن كلشي بقلبو
شخص متل هاد ما بينفع تستغلّ وضوحو لأنّك لو خسرتو مستحيل يتكرر بحياتك مرتين ..
من الأشياء النادرة بهاد الزّمن إنك تلاقي شخص ما بيعرف حتّى يكون مزيّف.💙

+ 1 💬 message

read all

🕊~

mohammadibrah’s Profile PhotoMohammad
- في جُملة تحكي " لن تبلغ النضج حتى يُهدم أمام عينيك كل ما كُنت تؤمن به " ..
وفعلياً بعمرك ما رح تحس إنك فهمت إلا حتى تاخد درس يعلمك انه ما تعطي لحدا كلشي حلو جواتك، درس يفهمك إنه الثقه والأمان ما بينفعوا يكونوا لأي شخص لمجرد إنك انبهرت بطريقته في البدايات، درس يعلمك إنه كل اللي سمعته كان مُجرد كلام ما اله أي أفعال🖤

Next

Language: English