@haytham_hameed

هيثم سمير عبد الحميد

Ask @haytham_hameed

Sort by:

LatestTop

هو حرام عليا لو بيجيلي عرسان شغالة سيلز في شركة أو أعمال حرة وأنا برفض عشان مستنية دكتور أو مهندس أو مهنة مرموقة نفسي أعيش أولادي في مستوى اجتماعي معين كمان رفضت الدكتور والمهندس برضو عشان محصلش قبول وخلاص ماشية في ٣١ ولسه مقتنعة بتفكيري ☹️

مش حرام انت مش مجبرة على القبول بحد وحتى لو لم تتزوجي فليس ذلك محرماً.
لكنه قرار له عواقب وكل قرار في الدنيا بتاخديه له عواقب فالمهم ان حضرتك تحسبي العواقب بطريقة سليمة وفقا لأولولياتك وانت تكوني فاهمة اولوياتك واللي يناسبك بطريقة سليمة متخلكيش تندمي عل القرار بعد ذلك، ولا تدعي الاستخارة واستشارة أهل العقل والحكمة من اهلك واصدقائك ومعرافك الذين يعرفونك جيدا.
يسر الله لك الخير

كان معايا مبلغ مدخر ومن أكتر من سنة جبت بيه سبايك وزنهم تقريبا ٤٥ جرام ٢١ يعني مش دهب زينة بعد إذن حضرتك كده عليه زكاة ولا مش عليه؟

لو ده كل ما تمليكن فهو لا يبلغ النصاب وبالتالي فليس فيه زكاة

هل كراهة ان يكون الزوج مع واحدة اخرى غيري مع محبة شرع الله والرضا بالتعدد يكون كفرا؟

لا وليس حراما حتى مادام لا يدفعك للوقوع في معصية، وما تشعرين به هو كراهة طبيعية، فكل امرآة في العالم تحب زوجها تكره أن يكون زوجها مع غيرها ولا ينافي ذلك قبولها للحكم، واما ما يكون كفرا فهو كره الحكم ذاته والتمرد عليه. وليس مجرد كره المرآة أن يكون زوجها مع غيرها أو كراهة تزوج زوجها عليها مع قبولها للحكم العام ورضاها به
بارك الله فيكم وزادكم حرصا
Liked by: Eman Alaa Mamdouh

People you may like

السلام عليكم، متقدم شخص كويس جدا جدا أخلاقه ودينه وشغله وحياته كل حاجه مناسبه معايا جدا ونفس تفكيرى وكله تمام الحمد لله .. بس شكله مش عارفه اتقبله خالص، ،رأى حضرتك اديله فرصه و أوافق وممكن مع الوقت اتقبل شكله ولا أرفض لان ممكن بردو مع الوقت ماقدرش اتقبله؟

لو فيه نفور من شكله يبق لا تقبلي لو مفيش نفور لكن مفيش انجذاب خدي فرصتك واطلبي جلسة او جلستين تانيين للرؤية قبل ما تحكمي.
[ارك الله فيكم وزادكم حرصا

+ 2 💬 messages

read all

بالله عليك خليك حيادى وبدون إساءة مش ناقصة قهر أنا بنت ورفضت كتير جدا ومفيش قبول خالص غصب عنى حبيت واحد متزوج خاصة شغال معايا وبشوفه علطول وهو عارف وعنده مشاعر ليا بس طبعا الموضوع مستحيل عشان ظروفه حاولت ابعد بتعذب خاصة انه قدامى طول الوقت 😓😓😓😓

طيب اذا كان الأمر مستحيل زي ما حضرتك بتقولي هيكون ايه الحل؟ مفيش حل غير البعد والنسيان وتجاوز الأمر هتقولي اختي الكريمة بتعذب هقول لحضرتك ده عامل زي العملية الجراحية مؤلمة بس لازم نستحملها علشان نتعافى وإلا فهنعيش في عذاب مستمر متصاعد ووحت لو قدرتي تحافظي على نفسك ولا تقعي في ذنب حتى الآن فغابا ده مش هيستمر لو استمررت يفي العلاقة فمتأذيش نفسك في دينك وفي حياتك وفي قلبك وفي مستقبلك وابعدي واحتملي الام البعد وكوني قوية علشان ربنا وعلشان نفسك وعلشان مستقبلك

+ 1 💬 message

read all

الدعاء مرده إما استجابة أو يرد به قضاء أو يُحتسب أجر للعبد عند الله، والله يستجيب للعبد بالشكل والوقت الذي يعلم فيه الخير للعبد. هل هذا يشمل أيضا حالات عدم استجابة الدعاء بسبب الذنوب؟ وهل هذا يشمل أيضا حالات عدم استجابة الدعاء بسبب أكل الحرام؟

دي حالات القبول اما حالات الرد لوجود موجب للرد فمعناها الا يترتب على الدعاء شيء بارك الله فيكم

أما زيادة أن امرأة اعترضت عليه، فقال عمر: أصابت امرأة وأخطأ عمر. فلها طرق لا تخلو من مقال، منها: طريق أبي يعلى وفيها مجالد بن سعيد، قال الإمام أحمد: يرفع كثيراً مما يرفعه الناس ليس بشيء، وقال ابن معين: لا يحتج به، وقال البخاري: ضعيف. إسلام ويب

1-حضرتك الكلام على الزيادة والزيادة انا لم أذكرها اصلا أخي الكريم مش على الأثر اما الأثر فثابت صححه ابن حبان و حسنه ابن كثير رحمه الله في مسند الفاروق بلفظ كل الناس أفقه من عمر بدلا من لفظ اصابت امرآة واخطا عمر.
ورواه عبد الرزاق:عن قيس بن الربيع، عن أبي حصين، عن أبي عبد الرحمن السلمي، قال: قال ‌عمر بن الخطاب: لا تغالوا في مهور ‌النساء، فقالت امرأة: ليس ذلك لك يا ‌عمر، إن الله يقول: (وإن آتيتم إحداهن ‌قنطارا من ذهب)، قال: وكذلك هي في قراءة عبد الله: (فلا يحل لكم أن تأخذوا منه شيئا) فقال ‌عمر: إن امرأة خاصمت ‌عمر فخصمته" وليس فيه مجالد وهو اسناد مقبول
2- مجالد بن سعيد مختلف فيه فابن معين ضعفه مرة ووثقه أخرى كما في التاريخ الكبير لابي خيثمة وذكره العجلي في الثقات ، وقال عنه الهيثمي في مجمع الزوائد حسن الحديث، وفرق ابن مهدي بين احاديث الأحداث عنه وبين ااحاديث الكبار لأنه تغير بآخره كما في الجرح والتعديل ، حت لفظ الامام احمد المنقول في السؤال لم ينقل باقيها وهي وقد احتملها لناس كما ان كونه يخطيء في رفع الأحاديث لا مجال له هنا لأن الخبر موقوف أصالة.
فغاية مجالد أن يكون حسن الحديث أو ضعيف ممن لا يحتج به بمفرده ولكن يكتب حديثه للاعتبار
3- مجموع طرق الأثر تكفي لاثباته ولذلك تلقاه بالقبول عامة أهل العلم بخلاف أثر انما انت لعبة.

View more

لسا قارية إن سيدنا عمر رضي الله عنه قال لزوجته رضي الله عنها إنما أنت لعبة يلعب بك ثم تتركين مع إنها مكنتش عاملة حاجة سيئة هي كلّمته بس ... هل ده كان وضع الصحابيات عموما ؟ يعني وضعهم متحسنش بعد البعثة لان المجتمع والناس تعود ان ملهمش قيمة ؟ واسفة انا بس عايزة افهم لاني ادايقت عليها جدا

الأثر منقطع الاسناد لا يثبت عن عمر رضي الله عنه وكان عمر رضي الله عنه تراجعه المرة وهي ليست بزوجته في الأمور العامة والشان العام فيسمع لها كما حدث حينما اراد تحديد المهور وعارضته امرآة بقول الله تعالى: وَإِنْ أَرَدْتُمُ اسْتِبْدَالَ زَوْجٍ مَكَانَ زَوْجٍ وَآتَيْتُمْ إِحْدَاهُنَّ ‌قِنْطَارًا فَلَا تَأْخُذُوا مِنْهُ شَيْئًا ورجع إل قولها.
ثم حتى لو صح الأثر فهو لا يمثل اتجاه الصحابة رضي الله عنهم تجاه زوجاتهم إذ الصحابة بشر يختلفون في الطباع والأخلاق والرؤى والنظرات في التعامل مع الزوجات بل وفي أغلب شئون الحياة ولذلك نجد أن ام كلثوم بنت أبي بكر الصديق رفضت الزواج من عمر رضي الله عنه لشدته ومن الصحابيات من رفضت الزواج من الزبير رضي الله عنه ومن غيره من كبار الصحابة رضي الله عنهم وتزوجت من طلحة رضي الله عنه للينه مع زوجاته وبشاشته معهن، فالمقصود أن من أراد استقراء اتجاه جيل نحو قضية معينة لابد ان يستقرأ غالب أحوال هذا الجيل وليس حالة شخص واحد في موقف واحد ويتخذ منه موقفا، ثم حتى هذا الموقف لو ثبت فإنما كان لتدخلها في أمور السياسة.
ثم كيف يكون النساء لا قيمة لهن وكانت عائشة رضي الله عنها يستفتيها كبار الصحابة رضي الله عنهم وقد تبعها كثير من المسلوم لما خرجت في وقعة الجمل، وكيف لا يكون للنساء قيمة وقد كانت السيدة خولة يقف عمر رضي الله عنه ليسمع وعظها وكيف لا يكون لهن قيمة وقد حارب المسلمون اليهود واجلوا بني قينقاع لأجل امرآة واحدة من المسلمين.
نصيحتي أختي الكريمة القراءة للتاريخ والأحداث بحساسية زائدة عمرها ما هتساعدك انك تفهمي صح بارك الله فيكم وزادكم حرصا

View more

امي دايما تقولي ان القبول الشكلي للمتقدم مش بيبقى من اول مرة ايه رأي حضرتك فالكلام ده ؟

لو فيه نفور من الشكل فيبقى اقفلي الموضوع لكن لو عادي مفيش نفور لكن مفيش انجذاب والشخص مواصفاته كويسة ومناسبة ليكي يبقى ادي لنفسك فرصة تانية.
بارك الله فيكم ويسر لكم اموركم

+ 6 💬 messages

read all

يا شيخ واحد كان كاتب اتجوز بثيب عشان متكتبش قائمة. الصحابي جابر اتنازل واتجوز ثيب عشان تخدم اخواته ولأن البكر مش هتوافق. التعليقات رجال كاتبين بيستنكروا أنهم يعرفوا ثيبات وشارطين العريس يكون بدون اولاد. هي عشان ثيب لازم تتنازل ؟

هي حرة تتناول متتنازلش ده تطلب اللي هي عايزاه وتشترط اللي هي عايزاه ده قرارها والمتقدم حقه يقبل شروطها او يرفضها لا هي مجبرة تتنازل عن حاجة او تطلب طلبات قليلة ولا هو مجبر يقبل طلباتها وشروطها الموضوع رضائي بين الطرفين صحيح ان طبيعي ان لما يكون الشخص ميزاته أقل طبيعي ان يكون طلباته أقل لكن في النهاية الجواز مش بالعافية ومفيش حد مجبر يتجوز بشروط لا ترضيه.
وموضوع جابر رضي الله عنه لما اختار ثيب مش علشان البكر مكناتش هتوافق لكن علشان الثيب الكبرة هتكون بمثابة ام لهم اما البكر الصغيرة هتكون بنت ساذجة زيهم مش هتعرف تراعي بنات في سنها خصوصا انا لزواج في الزمن ده كان في اعمار مبكرة.

لو الست بتاعت مشاكل وبتطلع اسرار البيت هل أهل زوجها لهم حكم عليها وواجب طاعتهم فالخروج والدخول والمنع؟ خاصة ان زوجها مش بيحكمها دايما

لا أهل الزوج ملهمش حكم ملزم على الزوجة ولا يجب عليها طاعة حد فيهم انما الزوج هو اللي له حكم عليها فلو الزوجة بيحص منها ما يسبب المشاكل لأهل الزوج يتفاهموا مع زوجها اللي هو ابنهم بارك الله فيكم ةزادكم حرصا

من بلغته رسالة النبى صحيحة ولم يؤمن خلد فى النار؛ ونحن بلغتنا دعوى اليهود و النصاري، ولكن مجرد سماع الدعوى لا يكفى،فلو اكتفى النصارى بسماع دعوى الإسلام لما تبين لهم الحق لتضليل رجال الدين عليهم، فالأمر يلزمه أمانة و موضوعية وبحث دؤوب، وبالمثل لكى نعطى دعواهم حقها فنحن مطالبين بنفس البحث، أظنّى صواب؟

لا ليس بصواب لأن الفارق من جهتين بل ثلاثة:
أن الإسلام قامت الأدلة القطعية عل صحته ولم يقم على صحة النصرانية واليهودية المحرفة أدلة قطعية وما قام الدليل القطعي على صحته لم يحتمل أن يكون باطلاً فمجرد معرفتك بصحة دين الإسلام بالدليل القطعي يغنيك عن النظر في الأديان السابقة عليه.
الأمر الثاني: أن الإسلام هو الدين المتأخر عن كليهما يعني لو فرضنا فرضا واحتمالا أن اليهودية والنصرانية قام دليل قطعي على انهما من عند الله تعالى ولم تحرفا فهذا لا يمنع احتمال النسخ بشريعة تالية وأما المسلم المتيقن من صحة دينه فلا يحتاج للنظر في شريعة لو ثبت صحتها فهي لا تزيد عن كونها منسوخة.
ثالثا: الدين الإسلامي فيه نصوص قطعية تدل على أنه الدين الخاتم فمن تيقن صحة الإسلام بالدلائل وتيقن صحة هذه النصوص لم يحتج للنظر في دين آخر، وليس في اليهودية ولا النصرانية حت بعد التحريف ما يدل على كونهما شريعتان خاتمتان بل في الكتاب المقدس ما يدل صراحة على نبي بعد عيسى عليه السلام وعلى المر بالإسمان به لذلك فمقتضى الإسيمان بالكتاب المقدس أنهم لو سمعوا بنبي يدعو إلى التوحيد أن يتحققوا من صحة نبوته ليتمكنوا من العمل بموجب كتابهم المقدس بخلافنا فكتابنا ينص على ختم الرسالة بمحمد صل الله عليه وسلم

View more

+ 2 💬 messages

read all

لو سمحت يا شيخ هل تنصحني بإني اسيب اهلي الى في الخليج و ارةح اشتغل في مصر انا خريج جديد و انا وحيد اهلي ,,. بصراحة ضميري بيأنبني أنا عايز انزل مصر لأنه بحس الفرص اكتر من الخليج الى انا فيه دلوقتي مش عارف ... شكرا

يا بني المصريين كلهم عايزين يطلعوا الخليج تقوم انت ترجع هنا!!

+ 2 💬 messages

read all

ياشيخ نقرا كتب اى او نسمع اى عشان نستعد لمشروع الزواج بنت

اسمعي حلقة الزواج الناجح من فاهم بودكاست واقرأي كتاب شخصية المرة المسلمة للهاشمي وكتاب الرجال من المريخ والنساء من الزهرة وكتاب فكري كرجل وتصرفي كامرآة.
[ارك الله فيكم ويسر لكم اموركم

يعني اي ان شخص يتوصف بإنه مبيفهمش في الأصول ؟ الأصول دي مرجعها اي؟

مرجعها الاعراف المجتمعية ومكارم الاخلاق
Liked by: Zainab

هل المتقدم لازم شرعًا يعرف في الرؤية إن أهلي مطلقين وأحدهما متزوج؟ وبخبرة حضرتك لو حاجة زي دي اتقالت بعد الخطبة بفترة ممكن تعمل مشكلة؟

شرعا مش لازم يعرف في الرؤية لكن رأيي ان حاجة زي كده لو استخبت واتعرفت بعد كده اثرها بيكون سلبي اكثر من معرفتها في البداية بارك الله فيكم وزادكم حرصا ويسر لكم الخير

في واحد صهيوني أسلم معرفش سمعت عنه ولالابس انامبسوطة انه أسلموحاسةبالشفقة تجاهه لانه حاسس بالذنب من اللي عمله في الناس في غزة،في ناس تانية كارهين الراجل دا وبيقولو توبته بينه وبين ربنابس احنا مش راضيين بيه اوكارهينه يعني وبيستشهدوا بموقف الرسول صلى الله عليه وسلم لماقال لوحشي غيب عني وجهك، ايه رايك

موقف وحشي موقف شخصي لكون حمزة رضي الله عنه كان عم النبي صلى الله عليه وسلم واخيه من الرضاعة ومن احب الناس إلى قلبه لكنا لنبي صلى الله عليه وسلم لم يكن له نفس الموقف مععامة من أسلم من المشركين ممن كانوا يتولون تعذيب المسلمين قبل إسلامهم وممن دبروا وقادوا الحروب ضد المسلمين فالاستشهاد ده ليس في محلهبارك الله فيكم وزادكم حرصا على الخير
Liked by: Zainab

لينا شقتين ف بيت عيلة ف البلد ووالدي معتقل وحالتنا المادية سيئة فقولت لعمي يأجر واحدة هي دور أرضي وليها باب خارجي فسمعني كلام زي السم ولما قولت لبابا قال محدش قالكم أجرو وجاب الغلط مني، حاليا عمي طالب الشقة يفتحها عشان حنة ابنه واحنا مش موافقين وبابا قال يفتحها، كرامتنا بقت ف الارض اي الحل ؟

حضرتك الشقة دي ملك مين؟ مادامت ملك والدك سواء بالمشاركة مع عمك او حتى ملكه لوحده فانت كابنه ملكش أخي الكريم أي حق في التصرف فيها ولا في الموافقة والرفض وحتى قرار الإستئجار ملكش انك تروح تتكلم فيه مع عمك قبل ما تكلم والدك وتستأذنه وهو يوافق ويوكلك بأنك تروح تتكلم معاه في كده، أخي الكريبم انا متفهم ان سوء الظروف الاقتصادية مع حبس الوالد ربنا يفك كربه بيكونوا عامل ضاغط وممكن يخلوك تتصرف بطريقة مندفعة بعض الشيء لكن في النهاية لازم تبق فاهم حدود حقوقك وحدود حقوق الآخرين.
[ارك الله فيكم وزادكم حرصا ويسر لكم الخير كله وأصلح ذات بينكم وفك جميع كروبكم وأغناكم من فضله.

هل رفض الفتاة للزواج من شخص (نحسبه مؤمن محسن يتقى الله) يستخدم كرسي متحرك .. يعني انها لم تفعل الأولىٰ.. هل بهذا الدنيا لها قدر عندها ؟ لو كان رسول الله صلى الله عليه وسلم تقدم لابنته شاب هكذا كان سيفرح إن قبلت!

مفيش انسان في الدنيا الدنيا ليس لها قدر عنده انما الفارق بيكون في حجم قدر الدنيا وحجن قدر الآخرة ورفضك لشص في حالة انت متقدريش تتعاملي معاها مش محلل للوم ولا لمعاتبة النفس كون حضرتك بتبحثي عن زوج بمواصفات معقولة مشمبالغ بيها تناسبك ده قرار طبيعي مش ملومة عليه ولا ينتقص منك ي شيء

هنا من تاني لو سمحت 🍂🍂🍂🍂🍂🍂🍂🍂🍂

حضرتك بتجيبي المعلومات العجيبة دي منين مفيش حاجة كده لا في الشرع ولا فعل حد من الحكام والخلفاء المعروفين بالصلاح في اي مصدر تاريخي معتبر

🍂🍂🍂🍂🍂🍂🍂

حضرتك جبت الكلام ده منين بالضبط؟ً الجارية لا يجوز اعارتها ولا يجوز لشخص وظئها إلا إذا ملكها بشراء وصارت ملكا له وحده، بل لو كان ملكه لها ماركة لم يجز ليهما ان يستمتع بها ولو بالنظر كالحرة .
واما البيع اولشرا هو نظير ان يطلق رجل زوجته مو يتزوجها شخص اخر فكذلك لو رغب عنها مالكها فباعها فاشتراها شخص اخر صارت ملكا له وده ملهوش اي علاقة بالدياثة الدياثة انه يسمح بالستمتاع بها وهي ملكه وهذه كبيرة من الكبائر

Next

Language: English