سؤال بجد من غير هزار عشان هيفرق معايا جدا لو واحدة كويسة وفيها كل المميزات اللي أنا عايزها مفيهاش ولا غلطة غير انها قصيرة اقصر مني بكتير أنا ١٩٠ سم هي ١٥٣ كل حاجة بتقول هي دي بس خايف ولادي بعد كدا يقولولي ليه اخترتلنا ام قصيرة كدا أعمل ايه؟
هما ولادك مش هيقولولك كدا ولا حاجة.. فرق الطول ممكن يكون مهم بالنسبة لحد وممكن لحد تاني لأ طالما شاف في الست دي كل اللي محتاجه عموما مش هتلاقي واحدة فيها كل حاجه لازم هتاخد حاجات مش كاملة تكمل برضاك .
هو القصر بقي وصمه عار دلوقتي يعني ياما رجاله طولها مترين يقولوا مش هتجوز غير واحده قصيرة لأنهم عارفين أن القصر انوثة وبعدين ما شاء الله العيال هيقولوا ليه اخترتلنا ام قصيرة وميقولوش ليه اختارتلنا ام قاسيه ولا سيئة الخلق ولا عصبية ولا بتربي غلط