عشرين سبعه في عام عشرين عشرين
جاها النصيب وعجلّوا في مهرها
جتني ودمع العين مافارق العين
وخواطرٍ مال الزمان وكسرها
قالت شريت من المهر لك عطرين
وحان الوداع بشوفتك يا نظرها
يالله تسعدها ! وتبعد غثآ البين
وتضحك لها الدنيا بضحكة ثغرها
ما الله كتب لي بقربك ياحبيبي نصيب
وش عاد نقدر نسوي ؟ هذا حكم الزمن
كانك بدوني وحيد ! وفاقداً لك حبيب
انا بدونك غريب ! وفاقداً لي وططن
صديت عنك وخاطري منك ما طاب
غصبٍ علي إن كان تبغـي الحقيقه
ودعتك الله .. يـا بعـد كـل الأحباب
هذا النصيب وكل شخص وطريقه
مدام الدين مايمنع زواجاً بيني و بينك
أجل ليش التقاليد الغبية دوني و دونك
على سنة نبي الله أبيك لآخر سنيني
حلال و مرضي ربي و مرضي باقي ظنونك
وداعا باللي كنت احلم على اسمي يحطونك
لو ان الوقت عادل والحياة بصدق تعطيني
ماكنت احبك بعمري و الى غيري يزفونك 💔
دخيلك بس قولي شسوي بعمري من دونك. 🚶🏻♂️
ياكثر ماغنيّت في يوم فرقاج
أبيات تنزف من جروحٍ حزينه
أنا وحزني والليالي وذكراج
الأربعه فينا مواجع دفينه
صرت أحبس الدمعه اذا مرّ طرياج
أنا بشر حارت دموعه بعينه
أنتي حلفتي كذب مايوم ابنساج
وين الكلام إللي قبل تنطقينه
مقدر أعيش العمر لحظة بلياج
وين الحنان إللي معي تدعينه
صرتي مع الأيام ضدّي وأنا أهواج
وطاح القناع وحبنا تجهلينه
صحيح وقتج غرّج اليوم وغراج
ونسيتي الحب القديم وسنينه
أييه أتركيني لزمن شاعر أغناج
غنّا مع حزنه عسى تسمعينه
واخر كلامي يا عسى الرب يرعاج
الله يسهلج بنبرة حزينة✋🏻💔.
ما زلت اقول ان الصدف ماتجيبك
ما جابتك وانتي ( بلا زوج وعيال )
ما اقوى على رد القدر في نصيبك
لكن حرام ان الجفى بيننا طال
كنتي قريبه من حنايا حبيبك
ولازال حبك لكن البعد قتال
اذكر صباح الخير واذكر مغيبك
واذكر وصايا دير بالك على الحال
واذكر تدفى والملامه وطيبك
واذكر قبل عامين بالعنق سلسال
ياكثر ما اذكر بسمتك واهذي بك
كم توجع الذكرى وكم يذكر البال..💔
الي خذت بفراقها عمري الجاي
منهو يطمني وقلبي عليهاا ؟
من عينها كنت اتفائل بدنياي
وكانت امانييَ عليها و فيهاا
كانت حضن دافي لضيقي وشكواي
كانت همومي تروح لما أجيهاا
لكن هـالدنيا على غير مشهاي
خذت من يديني لغيري يدييها
في يوم ملكتها يا وجدي وبلواي
كانت هي اخر مرتن نلتقيها
تقول خذته غصب ماهو برضاي
كانت تبيني وكنت"والله ابيـــــها 💔
في عينها دمعه وفي صوتها ناي
وشلون أوادعها ولا أبكي عليها ؟
مبروك عرسك ياهوى البال مبروك
بعدي عساك تذوق طعم السعاده
بعدي عساك تحبهم دام حبوك
وانا ابشقى بجرح يصعب ضماده
العين عافت نومها وكن بها شوك
كل ماتخيل غيري معك بوسـاده
ليت العمى لعيوني الـي تمـنوك
لحظه لمحته يـحط بيدك قـلاده
يالـيـتنـي ماشفتهم يوم زفـوك
ولاشفـت زولـك مـعه يمشي بركاده
شفتك معاه وصحت يا قلب خلوك
ودع حبيبك زاد عنـــا ابتعاده
+ 1 💬 message
read all
كيف بضحك ، وانْزع الوجه الحزين
والمسافه بيننا .. جرح وطفل
عن عروسٍ في فرحها .. باكيه
ودمعها يتساقط .. احلام ، وكحل
لا اسالوا عن سرْ بكاها الحاضرين
عين اهلها جاوبت خوف ، وخجل
جسمها عايش مع اللي ما تبيه
وقلبها في حب غيره منشغل
اذكريني لا قسى قلبه .. عليك
و اذكريني مع .. عبارات الغزل
و اذكري كلما تجمعتوا .. سوا
ينطعن من خنجر .. الغيره رجل
من هنا لأخر .. مشاوير الحياه
اعشقك بجنون ما اعشقك .. بعقل
اخذي عيوني من .. عيوني و شوفي
كيف قلبي لا لمح وجهك .. ثمل
الالم ؟ منهو لي بحلمي نصيب
واقع لغيري و انا لي .. الالم
من تقاليد الاهل تنزف .. قلوب
شيب عيني من تقاليد .. الاهل
كم تمنيتك لي بعمري .. عروس
و الوجع حلمي لجل غيري .. حصل
+ 1 💬 message
read all
ساعه عرفت الي لفاني ولدها
صرت احبه والغلا فيني يزداد
سمته بسمي مانست حب الأمجاد
الله حسيب الي حسدني وحسدها
صدفه وفيها خير من الف ميعاد
لاضاق صدري قمت اناضر ولدها…
أقدر موقفك و أعذِرك و أذكر عشرتك بالخير
و أكرر شُكري و تقدير قلبي - يا بعد قلبي
⠀
تصاحبك السلامة و الأماني يا نصِيب الغير 💔
أنا كل الكلام إللي بقوله "يحفظك ربي"
+ 1 💬 message
read all