انا لو بأيدي الموضوع من الاحد بحول
بس ما في حد متقبل الموضوع ومتل ما حكيت الكل بحكيلي شو بدك تدرسي دكتورة حمير
انا ما بعرف كتير عن التخصص مشان هيك بس احاول احكي بالموضوع مع اي حد بتكون معلوماتي محدوده
بعد النقاش المتواضع اتوقع صار عندك شوي معلومات ..و اي اشي بخطر ببالك اسئليني
انا حاليا بدرس هندسه مو بالتكنو وحابه مجال الطب كتير وخصوصا انه ازا درست بيطره رح تكون بالتكنو وهاد اهم شي
بس ما في تشجيع من حد ،اهلي رافضين الفكره من الاساس وبحكو لو شب الموضوع بصير في مجال للنقاش وبحكولي انه المجتمع والناس صعب يتقبلو الفكره،
يعني بس احكي لاي حد ببلش يتمسخر وهيك شي :(
هههههههه الصراحة تفكير رجعي و مضحك جدا !! يتقبل الفكرة !! انا للحضة حسيت انو الطب البيطري تخصص مقزز جدا...صح احنا منتعامل مع الابقار و حيوانات المزرعة بس هاض كلو مجال صغير بالطيب البيطري ...الطب البيطري مجالاتو واسعة جدا لا تعد و لا تحصى ...الصيدلة ، التغذية ، صحة غذاء ، اعلاف ، محتبرات تحليلية ، والكثير الكثير ...فوق ماهو تخصص ممتع و بتتعاملي في وع مخلوقات ضعيفة لا حول لها ولا قوة كمان من الجانب المادي مربح جدا انتي بتحكي عن ملايين ..بالنسبة لنظرة المجتمع ، المجتمع فاهم البيطرة غلط و المسمى المشهور دكتور حمير ...نظرة خاطئة جدا و المجتمع بحاجة لكثير من التوعية عشان يعرف اهمية الطب البيطري ...باستراليا بعبدو الطبيب البيطري عبادة ، اوروبا كذلك ، امريكا ، ...يعني اللي بدي اصلك اياه انو هاض التخصص مش بموضع انك تتعزي عليه
انا بالاساس كان نفسي بالطب البشري بس ما في مجال مشان هيك فكرت بالبيطري
وكمان يلي بخليني افكر بالبيطره اني رح ادرسها بالجامعه يلي حلمي ادرس فيها من زمان اما الهندسه رح تكون بجامعه تانيه مشان المعدلات :(
البيطرة تخصص جميل جدا لا يقل اهمية عن الطب البشري و انا بنظري انو اهم من البشري لانو بهتم بوقاية الانسان و المحافظة على صحتو ...اذا كنتي بدك بشري معناتو عندك ميول للجراحة و الاحياء و هاض الاشي متوافر بالطب البيطري ..البيطرة ممتعة لمن احبها
انو احسن لبنت طب بيطري ولا هندسه
الموضوع ما الو علاقة بانك ذكر او انثى نهائيا ..اتبع حبك و شغفك و اسأل حالك عدة اسئلة ...هل انا بحب اتعامل مع الحيوانات مثلا ؟ ليش بحب اتعامل ؟ والخ اذا لقيت احوبة مقنعة و مرضية بتناسب رغباتك اتوكلي على الله و ادخلي بيطرة ...الهندسة اسألي حالك هل انا بحب اتعامل مع الاجهزة و الالات ؟ هل انا بحب الحساب و الرياضيات ؟ ضلك اسئلي حالك اسئلة ..بس تلاقي اجوبة مرضية لاسئلة معينة توكلي على الاه و اختاري اللي ريحك و ناسب رغباتك