دا بعد تفكير كتير على فكرا والأخذ برأي الجمعية الموقرة اللي كنت أنا رئيسها وأعضائها 😇😂😂😂😂 بلاش دي حاجه بسيطة خالص انتي عشان تبقي تريند مش لازم يجيلك كوينز !؟ والاسك بياخد نسبة 10% من اي تحويل للكوين 🤷🏻♂️ ربا يعني 🤷🏻♂️ اجيب أدلة ولا كفاية كدا 😇❤️😂😂😂
والله بناءا على أن اكتر من نص اصحابي تجارة انجلش 😂😂😂 فانت لو حابب المنظرة وشكل واسم الكلية أو معاك واسطة تقدر تدرب فبنك مثلا فاشطا ادخل انما لو دخلت اداب انجليزي فأنت محتاج تشتغل على نفسك من اول يوم وتحاول تدرب وتشوف اي فرصة شغل يساعدك انك تدرب فاللغة وحاول انك تعدي على اي سنتر ... اغلب السناتر بيبقوا محتاجين ناس تحت التدريب فشوف اي الأنسب ليك 🤷🏻♂️❤️
قبل اي حاجه hard luck كان نفسي ادعمك بأكتر من مجرد لايك بس انا لو اخدت سكرين شوت بالديون اللي عليا مش بعيد الاسك ذات نفسه يشفق عليا 😂😂😂❤️ وكفاية انك دفعتي 🔥 يعني دفعة شاومي 😂😂😂🤦🏻♂️ ربنا م يرجعها ايام 😂😂😂 وكفاية اقول اننا حرفيا اكتر ناس محظوظة من موضوع أن كليتنا 5 سنين ولسه قدامنا سنة كمان عشان نتخرج فظل القرار اللي طلع دا 🔥😂😂😂 ربنا يوفقك يادكتورة وان شاء الله نشوفك قريب فصيدليتك الخاصة 🤗❤️
نيجي بقا للكلية اللي نصها بيشحت والنص التاني أصحاب ملايين 😂😂😂 إنها كلية حقوق ياسادة يعني تاني اكتر كلية فيها وسايل بعد الشرطة 😂😂😂🔥 من الناس اللي دعمتني 🙈🔥❤️ لا وبتشجع السيتي كمان 🙈 انت تاخد قلوب كتير يابني 😂❤️❤️❤️❤️ م شاء الله اي كل السبيس اللي عندك دي 😂😂😂 ربنا يزيد ويبارك ومش عارف اشكرك ازاي عالدعم 🔥🙈 ربنا يزيدك يابني عقك وحكمة *وحنكة* وان شاء الله اشوفك قاضي كبير او مستشار كبير 🤗❤️
اداب انجلش ليه شغل كتير اه 🔥 بس هتحتاج شغل على نفسك فاللغة حلو وحتى الشغل دا م شاء الله رواتب حلوة *بس بيقبضوا بالساعة* 😂😂😂❤️ ممكن تشتغل حاجات كتير زي مترجم سواء freelancer أو تبع شركة وممكن تشتغل ككوتش لكورسات *مجال تدريسي برضو بس افضل* وفي مجالات تانية بس دول اشهر 2 واعتقد أحسنهم ولا اني افضل المجال التدريسي سواء اكاديمي او دروس خصوصية ❤️
يعني مش هتعلمني security ☹️ المشكلة أن مليش فال web development أو حتى ال mobile development وكنت حابب اني ادخل مجال ال security كنوع من أنواع المعرفة بالمجال دا لاني شايفه مجال حلو جدا 🤷🏻♂️ بس يلا مش مشكلة ... بس لو فكرت فمجال ال security قولي عشان استفاد منك 🙊❤️
على حسب القسم طبعا بس لو كنت سواء تاريخ أو جغرافيا أو لغة فأنت قدامك فرص شغل كتيرة جدا واهمها طبعا التدريس اللي فالبلد اللي احنا فيها دي مهنة حرة زيها زي التاجر *بمعنى آخر أن ملوش مرتب ثابت لأن دخله كله معتمد بس على مجهوده* فمجال التدريس مربح وجدا كمان بس مش لاي حد طبعا 🤷🏻♂️
م شاء الله المسابقة اللي خلصت الساعة 12 ... واضح منها انك مبتحبش تزعل حد 🤗❤️ بس معلش انا مش حابب اتكلم عن حاجه شخصية طالما انت ف 3 ث فأفضل الكلام يبقى عن النقطة دي 😅 بكل اختصار اخر شهر ونص هم الثانوية العامة كلها ... ي تحل امتحانات كتير لدرجة انك تبقى واثق فنفسك قبل م تدخل اي امتحان ... ي تتقبل فكرة انك هتتصدم فالامتحانات وتتقبل الصدمات دي 😬 ركز فعلا فالفترة دي وحاول تحل امتحانات على قد م تقدر *اغلب امتحان الثانوية العامة بيبقى مكرر* ❤️ وربنا يعدي الفترة دي على خير وان شاء الله هتدخل الكلية اللي نفسك فيها بس شوف نفسك قبلها واتأكد أن هي دي الكلية اللي نفسك فيها عشان متضيعش 4 أو 5 سنين من حياتك وفالاخر تعمل shaft career فاعرف انت عايز اي بالضبط 🤗❤️ ربنا يوفقك يارب ويسعد قلبك دايما ويبعد عنك اي احباط فالفترة دي ❤️
صحيح افتكرت موضوع قديم ولحد دلوقتي محتاج افهمه بالضبط 😂😂😂 بالنسبة للانون اللي دخلت كلمنتي فرانكو على أنها انتي 😂😂😂😂😂😂😂😂❤️ انا قبل م ارد كنت عارف أنها مش انتي وعشان كدا وقتها انا فاكر حتى اني كنت aggressive معاها بس انا توهت فالنص لما انتي دخلتي واتكلمتي وهي كملت كلامها وبقيت ارد على قد السؤال 😂😂😂😂😂 لا بس من الناس الطيبة جدا اللي تحب أنها تساعد أصحابها على حساب نفسها 🤷🏻♂️ مشهورة الفيس مجهولة الاسك 🤭🤭🤭❤️ الناس اللي بالرغم كدا ف ماشاء الله وصلها كراشات وهي اساسا متعرفش حد عالاسك 😂😂😂 مش هتكلم اكتر من كدا بس معزتك عندي كبيرة ❤️ ربنا يوفقك يارب وتستقري فالمجال اللي نفسك فيه وتعرفي تسرقي واي فاي 🔥😎
بص يابن الحلال Try Harder Next Time 😂😂😂😂😂😂❤️ شخصية طيبة من كلامها وبتحب الضحك وقعدة البيت ... اعتقد شخصية عاقلة ❤️ اعتقد من الناس القليلة اللي لسه مكرهتش قعدة البيت 😂😂😂❤️ ربنا يوفقك يارب ويحبب قعدة البيت ليك كمان وكمان 😂😂😂 وتنجح ويكرمك كدا وتحقق كل اللي بتتمناه ❤️
ليا عندك عتاب كبير بس مهما حصل فأنت اخويا الصغير ومينفعش اني اتضايق منه 🤷🏻♂️❤️ وبدون الدخول في أي تفاصيل ياعبدالرحمن 😂😂😂😂❤️ اتمنى تكون بتستغل الفترة دي بطريقة صح عشان متغاباش عليك 😒 ربنا يريح قلبك يارب دايما وتستقر ذهنيا وعاطفيا واشوفك دايما في تطور ❤️
الناس اللي دعمتني فال 3 مسابقات 😂😂😂❤️ من الناس اللي مش عارف اشكرها ازاي والله 🤷🏻♂️ هي دي كلية الفلوس اللي على حق مش تقولوا هندسة وطب 🔥😂😂😂 م تشغلوني معاكم 🥺❤️ بس معلش يعني بتتفرجي على التيك توك ... تيك توك يا نُها 😂😂😂😂😂 ربنا يوفقك يارب وينجحك كدا واشوفك اكبر مدرسة فمصر وتلعبي بالملايين لعب وتفتكرينا وقتها 🤭❤️
شباب والله انا فعلا مش عارف اشكركم ازاي عالدعم دا وبجد كل دا فوق راسي ولو قضيت يوم كامل اشكركم فيه مش كفاية ❤️ مع انكم كسبتم الروك فالمسابقة اللي عملتها فالاكونت عندي 😒😂😂😂 بس مش قادر والله اوصف سعادتي باللي حصل 🙈❤️
مش بنحتاج ننزل تطبيقات او حاجة من فضلك؟
لينك بس يعني؟
مش مستاهلة كدا كدا بيوصلك اشعار عالايميل لما حد بيبعتلك فملهاش لازمة تدور على تطبيقات وتزحم مساحة الموبايل 🤷🏻♂️ اكونت مش لينك ... اه اكونت بس يعني 🤷🏻♂️
بتدخل اللينك دا http://bit.ly/ASKfm_VIP_AR وبعدها بتدخل المطلوب منها ... بيطلب اليوزر والايميل وعدد الفولورز وانت عايز تبقى VIP ليه ويوزر الانستا هتخلصهم هيوصلك ايميل عليه الحاجات اللي المفروض تخلصها خلال اسبوع ... هتخلصها إن شاء الله خلال يوم او يومين هتبقى VIP بس لو موصلتكش بعد م خلصت اول اسبوع اعمل نفس الحاجات للاسبوع اللي بعده 😊❤️
طيب بصي وركزي كدا عشان دي اهم فترة ليكي لانك لو مقدرتيش ت come over الاحساس دا فالفترة اللي احنا فيها دي مش هتقدري بعدين وكل اللي هتعمليه هيبقى مجرد حاجات بتلهيكي ومع اول مناسبة هتفتكري والاحساس بالفراغ هيكبر اكتر فمبدئيا كدا حطي فدماغك جملة *لو كان خيرا لبقى* وقوليها كتير لدرجة أنك تؤمني بيها لان ربنا دايما بيكون كاتب الخير للإنسان ❤️ بعد كدا هتقللي من استخدامك للتليفون بأي طريقة ... قومي اطبخي أو اعملي حلويات حتى لو مش عايزة تاكلي ... مبتعرفيش ... اتعلمي ... مفيش فايدة ... قومي اكنسي الشقة ... اقلبيها من فوق لتحت ... مفيش صحة ... حاولي لحد م جسمك يقول يابس ... مش هتقدري ... اتمرني ... اجري فالبيت اعملي سويدي وستريتشات حتى لو انتي 40 كيلو ! ... مش قادرة ومفرهدة ... اضغطي على نفسك واضغطي عليها على قد م تقدري ... مفيش امل ... هاتي اي رواية أو أي كتاب فالبيت واقريه ... ملكيش فالقراية ... اجبري نفسك تاني ... اجبرتيها ومقدرتيش تقري غير ربع ساعة ... تاني يوم اجبريها وخليها نص ساعة ... طب والوقت الباقي ... قضيه مع عيلتك مع اخواتك ادخلي رخمي عليهم رخمي على مامتك على باباكي مترحميش حد ... مبعرفش ارخم على حد ... انكشيهم وخليهم هم يرخموا عليكي ... اعملي اي حاجه بشرط انك تجهدي فيها نفسك ومتسرحيش وتحطي تركيزك فيها بنسبة 100% وزي م قولت حطي دايما فدماغك *لو كان خيرا لبقى* وان شاء الله فترة وهتعدي وحاولي متنسيش الصلى 😊❤️