وإيه يعني سابت إيدك وراحت اتخطبت لغيرك وهان عليها العيش والملح والتضحيه ، النوع ده والصنف ده ميتعاشرش ومبيطمرش فيه وزي ما ساب بيتساب واللي بيدوّر على الفلوس أو مصلحته ويأذي ويوجع قلب نظيف حَبّه بضمير بيتدمر وحياته بتأذيه وبيفوق بس بعد فوات الأوان وهيفضل طول عمره لوحده عايش بحسرته ، واللي فرّط فيكي وباع العشره والسنين والحب بكره يتفرّط فيه ويندم ويحفى على ظفر منك ومش هيلاقي حتى ضِلّك أو شبهك وهيتباع برخُص التراب ومش هيفضلّوا غير ألمه و ندمه اللي هيفضلوا ياكلوا فيه لآخر عمره .. الحياه منصفه جداً وعادله وكل شيء بيترّد وسلف ودين "العشره مابتهونش إلا على اللي مش تمام" 🖤
_٥ أغسطس ٢٠٢٠ 📩لازم تكون مُمتن لأول حد كسرلك قلبك ، لأول كدمه فروحك ولأول وجع ، لأول مره اتقالك فيها مينفعش ومعلّش ، لأول حد اتخلّى عنك وساب إيدك ، لأول كل كلمه شرختك وخلّتك تعيد ترتيب أوراقك من جديد ، لأول يأس وإحباط ، لأول صدمه وأول خُذلان ، لأول كل حاجة صنعت منك حصن منيع مبقاش يأثر فيه فشل أو سقوط .. بالعكس ده بقي بيصنع من الفشل أرض صلبه يقدر يقف عليها 🖤