- ☆
أنا شخصية عندي فوبيا كبيرة من الفُراق، و فوبيا بمعناها الحرفي، لما بتكلم مع حد قريب مني وأحس أنه اختفى شوية أو اتأخر في الرد عليا، بقدر أفكر في مليون ألف فكرة، يا ترى زهق مني؟ أنا عملت ايه غلط؟ أكيد أنا السبب، أنا بخاف جدًا من الفقد بكل الأشكال، و طاقتي متستحملش إن حد قريب مني يكون متغير معايا، ببقى مش فاهمة، و فكرة إني أكون مش فاهمة حاجة دي بتفقدني طاقتي كُلها، ببقى مش قادرة أتنفس بشكل صح، مش عارفة أنام، و ممكن أدخل في دوامة اكتئاب كبيرة، أنا نفسي متستحملش أي ضربة بسيطة، و لأني شخص حساس جدًا فحتى دموعي ممكن فجأة تبقى ملهاش معنى، و الألم يتسرسب لجسمي بشكل ما، أنا بقيت خايفة أعرف ناس، عشان خايفة من لحظة بُعدهم عني. ❤.