Ask @moaayadkrishan:

🕊💚

YARA_194’s Profile PhotoQUOTES||
أنا مش إنسان مثالي، لكن بحاول ما أكون شخص سيء على قد ما بقدر.
ما بترك حد محتاجني جنبه حتى لو عارف إنه وجوده بضرني، صعب أتلاعب بمشاعِر أي حد قريب منّي، لأني مقدّر الشعّور قديش سيء لما حد يودّيك ويجيبك ويلعب فيك بس لأنك بتحبّه.
تأكد تمامًا إنه أنا شخص مستحيل أسيبك مع حيرتَك، لو شفتَك مش مناسبني راح أنهيك من حياتي، ولو كنت مرتاح بوجودُك، ما في أي سبب بالعالم ممكن يبعدني عنّك.
أنا واضِح وثابت بزمن صار فيه الأغلب متردد بمشاعرُه، عشان هيك لما تطّلع على القريبين مني، حتقدر تعدهم بأصابعك💛

View more

مسآحة 💙🖇

ayanaje982’s Profile PhotoÅýøøśh-ķh ♡الكرك♡
الحمد لله إني عارف طاقتي في العلاقات وفاهم الأشياء الي بقدَر اعملها والأشياء الي خارجه عن سيطرتي، مستحيل أعطي وعود أنا عارف إني مش حوفيها، ولا بعشّم إنسان في شغلة أنا مش قدها، ما بغيّر من طبعي أبدًا ولا بكسِر خاطر حد لأجبر خاطر حد ثاني، لهيك شخصيتي المنطقيه بتخسّرني ناس كثير اتعودت على وجودهم، وبتخلّي علاقاتي دايمًا محدودة، بس الأهم في الأخر إنه ما اتعودت أغادر أي شَخص وفي برقبتي وعِد إله💛

View more

مساحة💜

ayatabuharb2’s Profile Photoتوسگاا
الكنز الحقيقي من وجهة نظري، هو إنك تراهن على شخص وما يخيّب ظنّك أبدًا، وكل شوي يثبتلك إنه قد المكانة إللي إنت حطيته فيها، تراهن وما تندم على ثقتك إللي أعطيته إياها لإنه دايمًا بطمّنك بكلامه وأفعاله ..
شخص بعرف احتياجك من نبرة صوتك، وبكون حزنك هو عدوّه الأول، شخص مهما ساءت الأمور بحبك، ومهما الأمور تحسّنت بحبك برضه، الظروف بتتغيّر بس هو ما بتغيّر💛

View more

||°SPACE°||♥💫

Bayankhatatbeh19’s Profile Photo°ⒷAⓎAⓃ°
@saleh_taybeh97
وبنكرر حكي السنة الي راحت بس مع هدية😂😂🥚🥚🥚
صالح الحب مالتي😌💛
بدي اكون محترم معك شوي واضل احسن منك ي كلب😂🐕‍🦺🦮
جرندايزر حي نزال🚀 سوبرمان الجامعة⚡⚡و باتمان عمان🚀
صلوووح😍
اخوي وصاحبي وأطيب قلب بالدنيا كلها💛
زلمتي اللي ما فيه مثله بالمملكه كلها يسعدك على قد ما بحبك 💛
كل عام وانت اكثر حدا بحرد بالدنيا 😂😂😂
كل عام وانتا روح الروح 💛
كل عام وانت مقطع قلوب الصبايا😂
صاحبي شريك الطبلان والتطقيع للمحاضرات 🤝🕺
ملك التعليم الإلكتروني 😂😂
الحمار حمار يا صاحبي الكتروني ولا عن قرب 😜😂
هاكرررر الببججي ابن سوريا المحترف والله نووووب😂😂😂
مرة واحنا مروحين لعمان صالح اشترا 8 اكياس شيبس وقبلها كان ماكل معجنات 😂😂😂
فلافل ولا معجنات😂😂 كثر ماينوووووونيييييز يا معلم😂😂😂🕺
يلي خلصنا حسناتنا عقد ما نمّمينا عالناس 😂😂😂
وقديش بكينا ع هالطريق و حجارو حفظت اسمامينا 😂😂😂عرفتو الطريق 😭😭😂😂😂😂😂😂
المهم يا صاحبي مش رح اقعد اصف حكي هون لانه فعليا محتار شو احكي😂😂🤦‍♂️
صح نسيت خليك متذكر ب السنة هاي مقولتي المشهورة ان الله يخبئك لمن يشبهك😂😌
اشتقتلك يا صاااحبي واشتقت لقعداتنا 😭😭😭💔
ان شاء الله سنه خير عليك و تحقق كل أحلامك ياااا رب وربي يهدي بالك ويفرحنا فيك🥰🥰🥰💛

View more

SPACE

♡♡M o a' a y a d♡♡. .

joman_mhmd’s Profile Photoجُمان محمّد -
سيَتِمّ استبدالك... 💫💛
مَهمَا قِيلَ لَك بأنك الألطف والأجمل والأذكى والأكثر حَنِيَّة ، مَهْمَا قِيلَ لَك بأنك أول مِن أدخل السُّرُور إلى حَيَاتِي ، وأنك الْوَحِيد الَّذِي اسْتَطَاع إذَابَة صَقِيع جُدران قَلبِي ، و أنك الأكثر اختلافًا عَنْ جَمِيعِ مَا خَلَقَ اللَّهُ مِنْ بَشَرْ ، مَهْمَا قِيلَ لَك بأن الْوَحِيد الَّذِي أَسْتَطِيع التَّكَلُّم مَعَه بِهَذِه الرَّاحَة والانسيابية وكأن الكَلَام يَتَدَفَّق مِن فَمِي مِثْل نَهرٍ جَارٍ يُعرَف أين يَصِب ، مَهمَا قِيلَ لَك بأن دُخُولِك لِحَيَاتِي أحدث الْفَارِق الْعَظِيم وَالتَّغَيُّر الرائع ، مَهمَا قِيلَ لَك بأنك الْوَحِيد الَّذِي تَخرُجُ ضحكاتي مَعَهُ مِن قَلبِي لَا مِن فَمِي ، سيَتِمّ استبدالك وَبِسُهُولَة ستنصدم مِنهَا ، يَتِمّ استبدالك وحينها ستدرك كَم أن جَمِيع الكَلَامُ الَّذِي قِيلَ كَانَ أنيقًا ومرتبًا وجميًلا بِشَكلٍ لاَ يَسْتَحِقُّ هَذِهِ السُّهُولَة مِن التَّخَلِّي وَالِاستِبدَال 💛

View more

للطافة حديثك 💜

ayatabuharb2’s Profile Photoتوسگاا
حبّك لإنسان محدد بيخلص مجرّد ما اكتشفت إنه شخص ثاني غير يلي كان معك.
سواء كان كذّاب أو بيعمل يلي بعمله معك مع حد ثاني، أو حتى كان بيستغلك، ما بتقدر تتحمل إنك تعيش مع حد صنعلك عالم وهمي، تصنّع كل شعور حقيقي المفروض يكون نابع من قلبه، زيّف حياة كامله كان عايشها معك وشخصيّة حقيقية أنت كنت تبني احلامك معها.
وفجأة تختفي هالشخصية يلي حبيتها من كل قلبك، راح تمحي هالحد من حياتك وما تعرف تعطيه أي شعور بعد هيك، بس بالاخر راح تحن للشخصية الوهمية يلي اختفت بدون سابق انذار💛

View more

🍒

amaanyramadaan1’s Profile Photoأمــاآنـــي.
فظيعة فكرة الوعي المبكر للأمور الحاسمة بالحياة..
الحب، الفراق، الأحلام المكبوتة ، الحظ العاثر ، القدر ، فوضى بدايات العلاقات...
مفهوم المعرفة لعبة بوجهين..نرد مرمي بأكبر ساحات العالم..
لما تفهم الحب رح تخاف من الحب...
لما تفهم ترتيبة الفراق..رح تخاف من فكرة الفراق...
لما تتعرف على فوضى البدايات..
رح ترتعب من تجربة انت عارف نهايتها ب95% من الحالات...
الفهم الزايد بأدي للوعي يلي بولّد التفكير الزايد ، التفكير الزايد بولّد الخوف ..
إنك تفهم الأمور العظيمة بالحياة ..رح تضل تبعد عن الفكرة الشاملة..رح تغوص أكثر بالتفاصيل...
التفاصيل مستنقع غريب بيسحبك دائما للعمق ..مع لطخات كثيرة من الأفكار
الوعي ..سلاح فتاك بصدور الناس
دائماماكنت فكّر إنو الأفضل للإنسان إتقان السطحية مش لأنها الخيار الصح بالحياة...
السطحية هيي الخيار الأسهل مش أكثر ولا أقل ...
شعور مريح إنك تسمع أغنية وماتربطها بذكرى..
شعور مريح إنك تركض بشارع طويل..من دون ما تراقب أضوية السيارات .أطراف الطريق..ضحكة الناس المارة..
شناتي أولاد المدارس...
شعور مريح إنك تسمع شخص من دون ما تسرح بالملامح ، الجبهة الواسعة ،العيون الضيقة، زاوية الشفاه حركات ايديه...
شعور مريح تمرق عليك الشتوية بلا حنين..بلا ذكريات، بلا أحلام ، بلا تفكير بأصغر القضايا بالكون...
الوعي شجرة صغيرة جوات الإنسان.
منسقيها بالتفكير العظيم بالتفاصيل💛✨

View more

احکِ 🥺💜

ayatabuharb2’s Profile Photoتوسگاا
ما بحِب العَلاقات اللّي مفتقدة للتفاصيّل ..
بحبِ أحكي مع الأشخاص اللّي بتعنيلهم أصغر الأشياء وبكونوا مستعدين يضَلهم يحكوا معك بنفس المَوضوع ليوم كامل .. مدام النقاش لَطيف وبِعَبر عن طريقة تفكيركم ..
ما بحِب الأحاديث اللّي بتنتهي بسرعة ،ما بحِب الشّكليات الخارجية ،بهمني شو جواتك أكثر من الظاهر من برا ،بهمني الأسلوب .. المُعاملة اللّي رح تخليني أتحاوَر معك وأنا جواتي ثقة إنك فاهم قصدي من غير تبرير ..
ما بحِب المَرجحة بالعلاقة ،ما بين بدي وما بدي، بحِب الوضّوح والصراحة ، بحِب تكون العَلاقة قائمة حتى لو كانت من غير مُسمى صَريح إلها ،اللّي ما تخليني أتردد لو لَحظة بإنّي أبعثلك أُغنية .. مسج ،أو حتى "شّفت كذا وتذكرتك" ..
بحِب التَعبير بالأغاني، بشوفهم السّلاح اللّطيف لإسعاف المشّاعر !
بحِب الحَكي والهدوء سوا ..
بحِب الأشخاص اللّي لَو حَكوا بِكون كُل كلامهم مليّان تفاصيل ،لدرجة تخليك تحِس إنك كُنت جَنبه ومعه بلَحظتها ، ولَو سَكتوا بخلوك تِقتنع إنه السُّكوت معهم أحلى بكثير من الحَكي مع غيرهم !
بحِب النّاس اللّي لَو سألتهم تكون إجابتهم طويلة ،مافيها إختصار بكلمتين ،بحِب ردود الفعل اللّي بتكون بريكورد بنبرة الصوت ،بحِب الضحكة العَفوية ..بتخليني أرجع أعيد الريكورد مرة ومرتين وثلاث !
بحِب الناس اللّي بتفتح مَواضيع عالهامش ،من غير أسباب ومن غير تفكير مُسبق .. بيلفتني جَمال القَلب والرُوح الحلوة ،والعَفوية والسّلاسة بالعلاقة 💛

View more

احكِ .. 💛

raghad__khaled9’s Profile Photoرَغَد خالِد
لما تمرض وتخاف لأنك أول مرة بتحس ب يلي حاسو ، هاذ الخوف نتيجة الموقف؛بس الواقع رح يتغير بعد ما تروح للدكتور .. يا بطلع فيك شي وبتمشي بطريق العلاج ، يا ما بطلع فيك شي وبتعيش بسلام ..
لما تتمشكل مع حدا بتحبو كثيير وتضربوا بعض وتسبوا على بعض كل مشاعر الغضب إلي مفكر أنها كبيرة للأسف هي نتيجة الموقف بس الحقيقة إنو المشاعر الحقيقة رح تبين ع حقيقتها بعد الموقف .. والواقع كمان رح يتغير بعد الموقف يا بتطلعوا شاريين بعض يا إما علاقتكم بسكوتة وكان بدها دفشة لتنكسر
ولما حد بتحبو وبتستناه يجي يعترفلك بحبو، لما يعترفلك مشاعرك الجياشة إلي بتحسها بهذيك اللحظة نتيجة الموقف والفرحة ، بس الواقع رح يتغير بعد هالإعتراف .. يا بتعيش بحب وعشق وسعادة ، يا بتكتشف إنكم مو زابطين لبعض ..
المشاعر إلي بتحيينا أوقات وبتموتنا أوقات هيي مجرد إشارة لطريق جديدة.!
يا رب مشاعرنا دايماً تكون طريق للخير💛

View more

مؤيد ، مساحة 💙

أمي دائمًا كانت تُشدد علينا ألا نطلب شيئًا عند أحد أو من أحد ، إذا عُرض علينا أن نشرب أو أن نأكل لابد أن نرفض ، وإذا وافقنا يكون بعد إلحاح صاحب البيت ، لا لهفةً منا ، وألا نقتحم أي غرفة دون استئذان صاحبها ، وألا نعبث بممتلكات أي شخص وألا نطلبها منه ، كانت تُخبرنا أننا لسنا بحاجة لأن نطلب ، وكل ما نريده ستلبيه وأكثر ، وبالفعل لم نكن نشتهي الطعام مهما رأينا أحسنه ، ولا الشراب مهما قُدم لنا أنواعًا منه ، كبرنا وفهمنا أنها كانت مُحقة ، كانت هذه التربية ليست توجيهات فحسب ، بل هي أسُس يقوم عليها الطفل ، والآن هي لا تخبرنا بتلك الأشياء ، نفعلها بأنفسنا ولا نرى في أي شخص ميزة تجعلنا نشتهي ما يملكه ، عرفنا أن الناس يحترموننا ، ولا يُعاب علينا في أي شئ ، أظن أنها نجحت فيما كانت تريده 💛

View more

💚

ما بعرفش أكون انسان بارِد، ما بعرفش كيف اتأخر بالرّد أو اغلط بدون ما اعتذر، ما بعرفش احكي لحد كلمه تجرحه بدون ما أحس فيها ولا عندي القُدرة الي تخليني أغيب عن حد بدون سبب مقنع أو مبرر، طول حياتي كْنت بحط نفسي مكان الشّخص الي قبالي سواء كان كويس معي أو سيء، عشان هيك بتمنى الاقي إنسان بيشبهني أو حتّى يعاملني بالطّريقه الي بعامل فيها النّاس.
رغم هيك ما ندمت يوم واحد على معروف عملته مع حد، كلّ الي بيهمني دايمًا إنه منظري يكون نظيف قدّام نفسي💛

View more

مساحة 🌸

جرّب تجيب زريعة صغيرة، اسقيها ب مواعيدها، رح تكبر قدام عيونك، ضلّك مهتم فيها ومكمّل ترعاها وتابعها وهيي بتكبر أكثر كل يوم .
جيب زريعة صغيرة ثانية، اسقيها، رح تكبر قدام عيونك، تضمن أنها كبرت، ف اتركها وبطَّل ترعاها .
جيب زريعة صغيرة ثالثة، توقّع إنها رح تعتمد على حالها وتكبر لوحدها، وما تسقيها ولا تهتم فيها خالص .
وتابع بعد وقت تأثير فعل الاهتمام على كل واحدة فيهن .
كل علاقات العالم بالنسبة إلي هي زريعة صغيرة، بتختار كيف رح تتعامل معها بأي سيناريو من الثلاثة اللي فوق
بدّك علاقة بتكبر كل يوم وتتماسك وتقدملك ورد قدام عيونك؟ علاقة حيّة وحقيقية ومكملة معك؟ اعطيها شوية اهتمام، وما تضمن ب يوم إنها رح تكبر لوحدها أو رح تسقي حالها بحالها .
وخلّيك دايماً عارف إنّو اللحظة اللي رح تختار فيها ما تقدم فيها شي هي هيي اللحظة اللي فيها رح تخسر العلاقة كلها 💛

View more

Next