الإسك صاير ممل
كل الاسئله يلي فيوه
يا ببعتلك ايه قرأن
يا ببعتلك سؤاليين و سؤال ثالث بطلب منك لايكات
يا بجي يسألك سؤال مجهول و بتزانخ
هويه الاسك يلي اتغير و لا احنا يلي اتغيرنا 😂😂
و مساء الخير ✋
انداري ..... بس بما انه اتعودت عليهم و عاملتهم ك اهلي ..... و هما عاملوني مثل ابن مع انهم عارفين اني مو ابنهم فهضول احسن من الاهل الحقيقيين .... و اكيد راح اضل عايش معهم و اضل معتبرهم اهلي 😊
انه ايام الانتخابات الطلابية انا كنت ماشي مع واحد تخصصه هندسة كيميائية ف كنا واقفين مع شباب و بنحكي معهم عن الانتخابات و هيك ... ف بعدين كانو بدهم يروحو ع بنت كيميائية و كنا انا و اخوي و حبيب قلبي حمادة ابو عمر و المرشح ... ف لما رحنا عليها انا وقفت ع بعد مترين منهم تقريبا .. و لاني مو هندسة كيميائية ما وقفت معهم و اصلا البنت من اول انا عارفها ف بتفاداها لاني عارف كيف هي #بدون ذكر اسماء و كان يشرحلها عن الخطة و كيف تنزل و هيك ف راحت البنت ( كنا واقفين قدام مبنى البيروني ) ف رجعت عند الشباب .... و وقفت معهم ف رجعتلنا البنت تسأل كملن مرة لانه ما فهمت ف انا ظليت واقف و صار يشرحلها ... ف هي ما فهمت لانه شرحه كان معجوق و حسيت انها ما فهمت ... ف انا حكتلها انه لما تنزلي اصول اعمدة شجرة الخطة ع اساس لما تنزليهن و يخلص الفصل انه عالفصل الي وراه بتكون الخطة فاتحيتلك و سكتت ف هي ولا حكت اشي ( لا شكرا ولا اي اشي ) و مشيت و هي لما كانت ماشية اتطلعت علي و حكتلي انتا هندسة مياه و بيئة ليش تحكي ف انا ما بعرف ايش اتهيألها بوقتها و بعدني مو فاهم تصرفها لحد هسا و المشكلة انه انا البنت بعرفها و هي بتعرفني اخذت معي يعني .... بس ما عمري اتعاملت معها و عارفة اني مياه و بيئة ف تصرفها ما عجبني طبعا و اصلا انا حكيت اشي بشكل عام ... يعني مشترك بين كل التخصصات الي الاشي الي انا حكيته .... ف ما بعرف عنها .... و انا اصلا بعادتي ما بسكت ل اي حدا بس يومها سكتت ل سببين .... السبب الاول خاص بس مو من ناحيتها ..... و السبب الثاني انها واقفة مع صاحبي المرشح و هو سنه ثالثة ف احترام اله انها كانت واقفة معه ... ع كل حال الله يثبت علينا العقل و الدين ..... و الله يسامحها 😊 بس بعمري ما بنسالها اياها و الزمن لقدام ماشي ..... و بيجي يومها الا اذا اجاني عقلي الحلو و العفوي ... هي و حظها يعني ..... و يعني انا حسيت حالي انظلمت ب الي صار .... و يومها حكيت والله مو كل حدا بستاهل الخير ..... يعني انطبق على الي صار المثل ( اعمل خير تلاقي شر ) و اذا حدا قرأ هاض الحكي احتمال يعرف مين البنت الي بحكي عنها .... بس مو كثار الي راح يعرفو .... و انا عارف مين الي راح يعرفو اذا قرؤوها و اتذكرو الي صار ..... و خلص بكفي الحكي الي حكيته .... و بس :)