نفسي أجيب مجموع ودماغي متبرمجة اني لو مجبتش الكلية دي ممكن يحصلي حاجه واللي بعمله في الامتحانات مش مبشر جدا وانا والله تعبت طول السنة وطلعان عيني مذاكرة وسهر وتعب بشهادة والدي والدتي عشان كده هما راضيين ب اللي أجيبه بس انا نفسي افرحهم ومش عارفة في ايه وبدعي ربنا كتير جدا وبرضو ادخل الامتحان أغلط
مش انت عملت اللي عليك يبقى ربنا حيجيب لك خير ربنا بيستجيب شيء لازم تكوون مؤمن به من داخلك وبدال والديك راضيين عنك يبقى خير ربنا يباركلك وتنجح وتحقق اللي نفسك فيه واوعى تزعل لو مجبتش الكلية اللي عايزها قول دايما خير يا رب من عندك
والله العظيم بتتعبو نفسيتكم عالفاضي . عايزة تفرحي امك وابوكي لما هيشوفوكي ناجحة ف حياتك عموما .. الشهادة هتركنيها . حطي هدف لنفسك بعد ما تخلصي تاخدي كورسات وتشتغلي ف حاجه وتحققي نجاح فيها
ومتخليهومش محتاجين حاجه
مش امتحان وشهادة !
الدعاء بيغير القدر وبيخلي المستحيل ممكن بس المهم انك تدعي وتقول "لو خير يارب"، والنتيجة دي بتكون من عند ربنا مش ضروري تكون مربوطة بالاجتهاد، وبرضو مش الكلية اللي هتحدد حياتك، ادعي توصلها لو كان خير
لا اكيد متفكرش/يش بالطريقه دي ذاكر/ي و سيبي الباقي علي ربناا
ربنا بيكافئ بالتعب مش بالحل
و هو مرتب لكل واحد المكان المناسب ليه حتي لو مكنش باين دلوقتي انو مناسب
و عن تجربه .. دا غير ان الكليه و المجموع مش نهايه العالم ف حاجات تانيه كتير اهم
ربنا معاك/كي و يوفقك
بصي نصيحة م واحدة كانت ف يوم ف نفس مكانك
استعيني بالله وابذلي ك جهدك ومتفكريش ف النتيجة
وخلي عندك كذا خطة ...بدائل يعني
مش كلية واحدة...عشان لو حصل ومجاش اول اختيار مثلا اكون مهيأه نفسي بفضل الله وميحصليش صدمة..وثقي ان اختيار الله احسن م اختيارك وثقي ف حكمة ربنا
انا كنت معلقة نفسي بهندسة ومجتش ومكنتش حاطة بدائل ودي كانت غلطة كبيرة مني..لكن الحمدلله
ربنا مش بيضيع تعب حد ابدا
استعيني بالله+ابذلي مجهودك+كبري دماغك
ومتركزيش انك بتدخلي تغلطي عشان متغلطيش تاني ان شاءالله
ودربي نفسك ع جو الامتحان...حلي امتحانات قبل الامتحان نفسه واعملي الساعة جنبك ع مدة الامتحان..هيساعدك دة ان شاءالله
بصى ربنا مبيضيعش تعب حد ومادام عملتى اللى عليكى سيبى الباقى لربنا عليكى الاجتهاد وعلى ربنا التوفيق وان شاء الله ربنا يجبر بخاطرك بالكليه اللى تتمنيها ..
مقدرة جدا انك عندك طموح و بتسعي إنك تحققه و عملت كل اللي في وسعك عشان توصله ، بس احنا بما إننا بشر معندناش القدرة اللي تخلينا نعرف علم الغيب عشان نختار الأصلح لينا ، و بناءٍ عليه فاحنا مطالبين إن احنا نسلم نفسنا للمشئية الربانية بكل رضي نفس لان هو الوحيد بس اللي عارف الخير فين و ايه الأصلح لينا ، فمش معني اني عملت اللي عليا و بدعي ربنا بشئ معين و ماتحققش يبقي ازعل بالعكس لازم نفرح و نبقي علي يقين تام بكل حاجة ربنا يختارها لينا
...
ربنا يوفقك لما يحب و يرضي :))
كل ده بيبقي ف الاول بس .. بعد كده لما النتيجة تظهر لو ربنا موفكيش ف الحاجة اللي انتي عاوزاها بتبقي زعلانة ونكد وعياط وكل ده ف الاول بس بعد كده بيبقي واقع وبترضي بيه عاادي يعني ..
هو عمتا ف الثانوية بالذات لازم توكلك علي ربنا و تتقبلي اللي هيحصل مهما كان مجموعك طلع كام هو خير ليكي اكيد سستمي و هيأي نفسك لكده ..
الاهل ايا كان هيرضوا و يشجعوكي لحد اخر طريقك معاكي و هيفرحوا بفرحتك انتي مش ب مجموع ممكن تدخلي بيه كليه تتعبك اكتر
الثانوية مش اخر الطريق و لا ما يدعي كليات قمة هدف دى مجرد وسايل انك تبقي تحاولي تثبتي نفسك و تواصلي لحد ما تنجحي ف حاجه 💪♥
ربنا معاكي و هيفرحك بإذن الله 💛🌻
انك تغلطي في الامتحان عادي يعني...بس مادام عملتي ال عليكي وبابكي ومامتك راضيين عنك خلاص متشيليش هم
الكليه مش نهايه الكون يعني وان شاالله تجيبي مجموع كويس يفرحهم🌸
