اول حاجة هتعملها/هتعمليها لو كنت/ي وزير/ة التربية و التعليم؟
يمكن هحاول اخلي طرق التعليم اكثر عملية واكثر افادة واقل في تضيع الوقت بحيث اعرف اقلل من فترة دراسة الكليات ..يعني الكلية اللي تبقي ٦ سنين نخليها ٤ بس نظرا لان المدرسة وفرت التعليم الكافي فالبداية ..مع الاهتمام بالانشطة الرياضية والانشطة الاخري اللي بتعلم كيفية التعامل مع الحياة ..مع استثمار المواهب وتوجيه التلاميذ للكليات والوظايف اللي تناسبهم بس في صورة ارشادية فقط وليست اجبارية منعا لسلب الارادة واعطاءهم حق الاختيار ..برضه هخلي بداية سن الدراسة من عمر اكبر نظرا لان احنا بنبدأ الدراسة بدري بصورة غير مبررة ..مع تواجد لاخصائيين علم نفس فالمدرسة مسؤلين عن متابعة اداء الطفل لفهم طبيعته وتصرفاته مع اعطاء التلاميذ الحق الكامل للتصرف في كل حاجة في حدود الاخلاق ..عشان يطلعوا للحياة بقدرتهم علي الابداع معاهم بدل ما بيفقدوها فالمدرسة ...ياريت بس يا جماعة ناخد بالنا ان تقريبا اهم ما في عمرنا اللي بيمتد من ١٥ ل ٣٠ سنة بيضيع منه حوالي ٢٥ سنة في تعلم حشو لا فاءدة منه وبالتالي الفرصة الوحيدة للفرد منا في تكوين حياته هي في خلال ٥ سنين بس ...نلاحظ ان اول ١٥ سنة من الحياة بيكون الواحد طفل ومش فاهم حاجة والسنين اللي بعد ال ٣٠ بتكون العمليات الحيوية المسؤلة عن الهدم بدأت فالجسم ..يعني من ٣٠ ل ٨٠ ملوش لازمة لحد كبير واحسن ١٥ سنة فحياتنا من ١٥ ل ٣٠ بيضيعوا فولاحاجة وبالتالي الحياة اللي بالاسلوب بتاعنا ده بيخلي عمرنا كله يضيع من غير ما نعمل اي حاجة
Liked by:
Taghreed (Tgh❤️)
̶M̶o̶d̶i̶
Fatima
Ahmed Rabyea
أميره ❤️
《Făğîň》