@mohamedblackL7

Mohamed Abdullah

Ask @mohamedblackL7

Sort by:

LatestTop

اختي عماله اقنعها من الصبح انها تدخل علاج طبيعي لقتها بتقولي هو انا هبله زيك وحاجه حسبي الله ونعم الوكيل 🙂💔

manar15764644’s Profile Photomanar
حسبي الله فالكلية اللي مبهدلانا ديه 😂😂🤦🤦
Liked by: abrarrr

People you may like

اقتراحات لتخطي فترة سيئة؟

هتحتاجي حاجة تفصلي بيها بس علي قد ما تقدري ماتكونش ادمانية ( اكل مش صحي او مسلسل)، ممكن تنزلي تخرجي مثلا او تغيري جو، أو تعملي حاجة مكنتيش بتعمليها قبل كدا،. اطبخي اكلة جديدة مثلا ،
متعاتبيش نفسك اوي عالمسؤليات بتاعتك لو مخلصتيهاش لان طبيعي اننا نمر بفترات زي ديه و طبيعي طاقتنا تقل بس حاولي تخلصي من اللي وراكي حبة كل يوم علي قدك كدا،
ابدأي دوري ايه اللي دخلك فالفترة السيئة ديه و تتعلمي منه عشان مترجعيش ليها تاني، و دوري فالنت علي حلول ليها او اسألي حد
ممكن نبعد فترة عن السوشيال عشان بتجيب اكتأب اكتر او هتعطلك لو فيه حاجة كبيرة شاغلة باللك و هتخليكي تسوفي اكتر خصوصا الانستا و الفيس، بس يستحسن تمسحي ال apps حبة كدا و متسيبيش غير apps الرسايل زي مسنجر وواتس و تيليجرام
و ربنا يعديهالك علي خير يا رب 😇❤️

+ 2 💬 messages

read all

الام عاوزه تسمي رقيه ، والاب عاوز يسمى فريده اختاروا معانا🤔

قطعوا ورق صغير خالص خالص حبة مكتوب فيهم رقية و حبة مكتوب فيهم فريدة و طبقوهم و حطوهم فبرطمان او علبة بغطا و رجوا العلبة عشان يتخلطوا و اعملوا سحب من 3 ورقات و الاسم اللي يتكرر مرتين سموها بيه 😂😂😂

انا 153 سم من يابني سيب القلم و بص عالسبورة 🙂🤛🏻... اكمل بنفس النمط😂

twiity198’s Profile PhotoEman Ibrahim
168 سم من زق علي ايدي،.. ريح،.. زق تاني جامد،... ريح، زق كمان،.. ريح خالص ،... روح معايا فنفس اتجاهي بقا 😂

حل الذنب المتكرر ايه

ديه معركة بينك و بين جانبك المظلم و كل واحد فيها له ارادة، بس انا عايزك تتعلم حاجة من الظلام اللي جواك،
شوف تلاقيه بيقعد يلح عليك يلح عليك و يمكن تبعد عن الذنب شهر شهرين تلاتة أربعة سنة و هو مبيوقفش! قاعد برضه بيلح عليك و يلح عليك لغاية ما تقع، في حين ان لو عدي عليك الوقت دا كله و انت بتعمل الذنب هتيأس! عايزك تتفرج علي ارادته اللي من حديد، عايزك تتعلم من تكراراته اللي مبتقفش و اعمل زيها، طيب هو لوحده إنما أنت معاك ربنا! مين عالم؟ مش يمكن مرو تفوز؟ 😎
اقعد كرر التوبة عافية الي مالانهاية🔥🔥
الغرض من وجود الظلام جوانا اننا منفنيهوش، إنما اننا نحاربه و نتغلب عليه و يغلبنا و بعدين نتغلب عليه و كل مرة نتغلب نبقي اقوي فنتطور ، و جوده بيدينا دافع نبقي احسن، إنما من غيره هنبقي أطفال مش عايزة حاجة من الدنيا غير الانبساط و فالاخر الذئاب هتاكلها!
قوم و حارب انت قدها 💪💪💪

+ 1 💬 message

read all

هنعوض في التلاتينات.😂💔

التلاتينات فيها الآم مفاصل، و إصابات الجيم مبتخفش و بداية ان معدل الهدم اعلي من البناء و احنا نفسيتنا انضربت بالنار، استسلم احنا عجزنا 😂😂🤦🏻‍♂️🤦🏻‍♂️

Next

Language: English