هسا شوف او شوفي تكرهني تحبني اشي يرجعلك ويرجع لتفكيرك ونظرتك لناس ما برجعلي الي ولا بهمني صراحه لانو الناس الي تقيم على المظاهر هاي ناس مريضه لما تحكيلي هاظ الحكي بعد ما تتعامل معي بحطك وبحط رايك على عيني وراسي اما احاسيسك هاي فكني منها
كثير لاحظت الفترة الماضية كلام بنقص من قيمة أشخاص عشان أسباب تافهة ع أساس أنهم غير متطوريين أو مش داخلين معهم بِـ ال٢٠٢٠ زي ما بحكوا ف حبيت أحكي هالحكي من باب الفضفضة : التطور والتقدم، عُمرهم ما كانوا بِـ أنك تحكي بلغة الشات أو تنزل ستوري بالأنجليزي عشان تبين مثقف، عُمرهم ما كانوا بـ أنك تسمع أغاني جديدة وما تسمع القديم عشان تعجبهم . عمرهم ما كانوا كمان بِـ أنك تغير لهجتك أو أنك تلبس ماركات وأواعي غالية عشان تبين حالك قدام الناس، ولا عمرهم كانوا كمان بمكان سكنك سواء بمنطقة فقيرة او غنية مش هيك ابدًا . الأواعي واللهجة او حتّى اللغة والاغاني او مكان السكن عُمرهم ما رح يقدموك ولا يأخروك، التطور بأخلاقك الي بتزيد من سنة ل سنة، والتقدم بفكرك اللي بساعد وبترك أثر وين ما رحت، غير هيك كله حكي فاضي.
أنا عمري ما بخسر حدا ، بضل أعطي للي قدامي فُرص لحد ما يفكروني أهبل أو بنسى ولما أحكي إنه زعلي عاطّل بضحكوا وبفكروني بحكي أي كلام ، بس الحقيقة إنه بكون ما بدي أخسرهم وبفهمهم إنه لهون وخلص بكفي!بتسكّر معي من كل إشي ووقتها والله ولا حتى الإعتذار ولا الندم ولا أي إشي برجّعني لأنه فعلًا ما بكون في بإيدي إشي أقدمه أكثر من إللي قدّمته ، إللي هو أنا عارف إنك أسف وعارف إنه معلش وكل الشغلات هاي بس خلص والله رصيدك عندي بكون خلّص ..لكل إنسان رصيد عند الشخص الثاني ، بخلّص أو بيزّيد بالمواقف تدريجيًا ، ووقتها أنا فعلًا ما بحِس إني خسرت الشخص هذا ، بس بكون متأكد إنه هو إللي خسرني ??
الإسراف بالعطاء ع الفاضي والمليان مع طرف مكتّف إيديه وواقف مكانه وما بدّه يتحرّك خطوة وحدة إتجاهك ، مش شطارة ولا رح تاخذ عليه جائزة بنهاية المطاف!ومع الوقت رح ينشاف حق مكتسب ، ورح يلومك لو بيوم غصب عنك قصّرت بعطائك تجاهه ، رغم إنك ممكن يكفيك منه ربع إللي بتقدمه بس ، ما تعطي لحدا شغلة إلا لما تكون متأكّد إنه بده إياها فعلًا ، بستحقها ، رح يقدّرها ويقدرّك .. من الآخر ما توقّع لحدا شيكات إهتمام وعطاء على بياض ?
حتّى لو صار بينك وبينه خلاف، حتّى لو كُنت زعلان منه على موقف عمله بقصد أو بدون قصد، احكيله بحبك، كون مُهتم، خلّيك مثل ما هو عرفك ومثل ما شافك أوّل مرّة.ازعل على الموقف عادي، بس لا تسمح للزعل يخلّيك قاسي، لا تحكيله ( ما رح احكيلك بحبك؛ لأنك زعلتني ) بالعكس، لازم تكون ليّن شوي، إنت بتعيش علاقة حُب، مش علاقة تنافسيّة مين يلي رح يقدر يسيطر على الثاني أكثر.* لو عمل اشي بزعلك ازعل، بس لا تنسى إنه حبيبك❤️.
من اليوم ورايح راح اضل مقتنع بأنو الحب الصادق ما بظهر الا وقت الانهيار؛الحب هو الايد الي تقبض ساعدك عشان ترجع توقفك بعد ما الحياه هدمتك ! الي بحبك هو الي بحاول يرمي عليك كل اشي يسعدك ويرسم ابتسامه على وجهك ويزرع السعاده بقلبك ؛الي بحبك بنحاز لصفك وما بتخلى عنك ابدا مش الي توخذه وتودي كلمه مغشوشه هضول ابعد عشان تضمن راحة بالك " برضو كتابتي??
راح يجي اليوم الي تختار بي حالك راح تبطل تمسك الايادي الي ما تكلف خاطرها بلاهتمام بيك راح ترحل بدون ما تطلع وراك لو لحظه راح توقف تعلق بعلاقات زائفه راح تشوف انو قلبك يستحق انو ينصف لو مره وراح تتأكد انك تستحق شخص يمسك بيك بكل ما اوتي من قوه لا ان تترك"? كتابتي
جاء أحدهم إلى جلال الدين الرومي يحاول أن يوقع بينه وبين ملهمه شمس التبريزي، وكانت حجته بأنه رأى شمسًا يشرب الخمر . فرد عليه مولانا قائلًا : واللّه لو رأيت ثوبه ملطخًا بالخمر، ورائحته تفوح منه لقلت بأنها سُكِبت عليه، ولو رأيته واقفًا على الجبل ينادي أنا ربكم الأعلى لقلت بأنه يتلو الآية . أذهب فإني لا أرى شمسًا بعيني وإنما أعرفه بقلبي ..” لا يسيء الظن بك من عرفك بقلبه لا بعينه “?
ما رح يفهمك انتا بتحكي بأشياء قطعت فيه الاف الاميال تفكير وما مشي فيها خطوه واحده ما رح يشعر بيك لانو انتا بتشرح شعور بسيطر على قلبك كل ليلة ملايين المرات وما طرق قلبه ليلة مش ذنبك بس هي المسافه الهائله بين التجربه والكلمات..!?
من النضج ان تكون شخص ذُو خصوصية وان لا يعرفك اي شخص اكثر من اللازم لأن شعور الندم جدًا سيء عندما تُتِيح لشخص معرفة كل شئ عنك ويتّضح لك بعد ذلك انه غير جدير بكل هذهِ الثقة