طبعوا واستسلموا وسلموا كما شئتم، لكن الشعب الفلسطيني هو الذي يقرر مصيره، و وحده من يصنع السلام والحرب، أما الحكومات التي (طبعت)، وتلك المقبلة على التطبيع فإلى مزبلة التاريخ العار العار حتى للشريف منكم .. #فلسطين_قضية_الشرفاء
ممكن طلب يا جماعة حاولت احكي معها بس ما ردت و انا بدي احكي لو شوية وقت والله اني دخلت على صفحتها و ضفتكو كلكو الي عندها و متفاعلين عندها منشان تتوسطولي عندها لا تكسروا ابخاطري و انا اسف الك بس حاولت كثير و انتي ما رديتي 💔
@khwalda
شَخص مناسِب لكل التّرابطات الاجتماعية، حتلاقيني بزبط أكون صاحبَك، بعض الأوقات حتشوفي مصلح عاطفي، وحتى ممكن أكون اقربلك من أهلك، أنا تكيّفت لأعطي كل شَخص حولي يلي محتاجُه من شعور.لكِن بالوَقت يلي بتشوفني فيه بقمّة اهتمامي، بلحظةَ غلَط منّك حتتأكد إنك بتتعامل مع شخص عنده قدرَة عظيمة على التّجاهل، فلا تحاوِل تِقسى حتّى تفهمني، راح تخسر كثير مقابل ولا إشي!أنا انعصرِت في التّجارِب وقلبي تربّى عإيد ناس باردِة، بعرَف شو بدّك من نظرة عيونَك، وإنت لو درستني مليون سنة، نظرة عيوني بتضيعك.🖤
إنت صح قرّرت تروح! لا ترجع أبدًا.أنا أبدًا مِش سلعة بين إيدك، لازم تكون عارف كثير منيح، إنّه مهما كان الشخص قلبه طيّب وبسامح كثير، ومهما كان حنون، فجأة! رح تلاقيه شخص قاسي وأسود، بس بحقّ نفسه، شو بتتوقع من شخص قاسي على حاله؟بتمنّى منك ما ترجع، روح كمّل طريقك وحياتك يلي إنت اخترتها بعيد عنّي، ولو بيوم شفتك رجعت، رح تخاف بس تلاقيني بشبهك؛ لأنك عارف حالك شو إنت.* اوعك تفكّر تقرّب منّي بعد غيابك، قُربك رح يكسرك ❤️.
"فِكرة المُحاولة مُخيفة، لمّا تفكّر إنّه كُلّ ما حاولت، مُمكن تكسب الشخص يلي قدامك، بس هو ولا على باله، هون بتحس إنك بتحاول على الفاضي بس بتبذل مجهود، وبنفس الوقت اذا ما حاولت مُمكن تندم إنّه كان في أمل مِن مُحاولتك بس إنت وقفت"❤️.
بس تدخُل بعلاقة بغض النظر عن مُسمّاها كان حُبّ أو صداقة، هالإشي ما بسمحلك تقرّب وقت ما بدك، وتبعد وقت ما بدك.إنت ما بتتعامل مع سِلع، إنت بتتعامل مع بشر، والاحترام يلي المفروض تظهره لهاي العلاقة واجب عليك، وبما انك شخص عاقل ومُدرِك المفروض ما تجرح حدا بقصد أو بدون قصد.جرّب ما تخلّي حدا يتعوّد على وجودك اذا شايف حالك مش قد تظل موجود.* خلينا نكون واضحين ولطيفين مع بعض شوي، على الأقل بنترك ذِكرى حلوة❤️.
بتهمني نبرة الصوت أكثر من الحكي نفسه، بحب اسمع الّلهفة الموجودة بالصوت وقت ينحكى معي.نبرة صوتك وإنت بتطمَّن، وإنت بتحكيلي عن يومك، وإنت بتسألني ومُهتم، بكون كثير مبسوط بس احسّ بالّلهفة الموجودة بصوتك.بتحسّ النبرة لحالها كلام! بتفرق كثير بس تحكيلي "كيفك" بدون نفس، وبس تحكيلي "كيفك" ويكون صوتك مليان رغبة لتعرف جد كيف حالي.صدقني ما بكون مركّز بالحكي، بالحجم يلي مركّز فيه بالصوت ونبرته❤️. ❤️
مستعّد أقدّم كل إشي عندي من اهتمام وعَطِف وحب لأي شَخص غريب، بس مش مستعد أقدّم لو كلمة حلوة لَشخص بيوم كان سبب في زَعلي!الموضوع مش موضوع انتقام ولا حقد! القصة وما فيها إنه قلبي غالي علي، دمعتي غاليه علي، لهيك اعرف إنه شَخص زيّي التّنازل بكسرُه والمسامحه بتضعفُه، لو زعّلتني بيوم من الإيام، امحي من راسك فكرة رضاي.🖤
ما في حدا فينا قاصر عن حدا صدقوني، كلنا بنعرف نجرح بالحكي وبنعرف كيف نكون خبيثين وبألف وجه، بنعرف كيف نوجّع لمّا نضرب ونكسِر لما نتخلّى!بس الواحد حاسِب حساب لأي شي حلو عاشه معاكم، حتّى لو لحظة حِلوة ولا كلمة طيبّة، بنعملكم ألف عذر لأخطاءكم حتّى ما تشوفوا أسوء ما فينا، احنا بنسكت مش لإنه ضعاف ولا لإنه ما بنعرف نردّ الصّاع صاعين.القصّة وما فيها إنه قلوبنا ما تنجّست ولا الخُبث بحياته كان إسلوبنا، بس انتوا حتّى أرواحكم مغطّسة بالقذارة.🖤
بحب لما يكون عندي شَخص مميّز أكون صريح معاه بمشاعري، ما أخاف من العواقِب ولا أحسبها لقدام، ما أدخّل علاقاتي القديمة واخفاقاتي بحياتي معه!بعيش معاه كل لحظةَ بلحظتها، ببني ذكرياتَ حلوةِ، بشاركه كل تفاصيل يومي لدرجة إنه ممكن يعرف عني أشياء أهلي ما بيعرفوها، بحب إنه يكون في شَخص واحد ما بين كل هالنّاس بقدَر يأثر فيّه!إذا شفتُه مبسوط بكون طاير من الفَرحة، ولمّا يزعل ما بواسيه، بس بعرف ازعل معه بدون ما أحس عحالي حتى، كل يوم جديد معهُ هو بمثابة سعادة جديدة، بستغل كل ثانية بتواجدُه!لأني عارف إنه لما تكون مع الشّخص النّادر، حتى الوقت بصير مميز وما فيك تضيع أي لحظة، بحب هاي التّفاصيل كلها يلي بتصنع من شخصي المميز، عالم مميز.🖤#مراد_الشركسي