- مكانتش صدفه إنك متعرفش تنام فتقرر تسهر اليوم ده فتعرف حقيقه كانت متداريه عنك . - مكانتش صدفه إن الدنيا ترجع تجمعك بحد تعرفه من سنين من تاني . - مكانتش صدفه إن يحصل بينك وبينهم سوء تفاهم فتعرفهم علي حقيقتهم . - مكانتش صدفه إن كل الـ posts فجأه تتحول لمسج ليك وكإن ربنا بيطبطب بيها علي قلبك . - مكانتش صدفه إن الأيام تبعدك عن حد فجأه في وقت معين وتنقذك منه . - مكانتش صدفه إنك تروح مكان معين في وقت معين فيبقي ليك رزق فيه . - مكانتش صدفه إنك تسمع من حد متعرفهوش حكايه تشبهك وكإن ربنا بيقولك إنت مش لوحدك والعيب مش فيك . - مكانتش صدفه إنك تركب التاكسي ده بالذات اللي سواقه هيدعيلك دعوه حلوه . مفيش حاجة بتحصل صدفه كلها اقدار سواء حلوه او وحشه كل حاجه بتحصل لسبب هتعرفه دلوقتي أو بعدين 💙".
كل واحد فينا عاش تجارب مختلفة عن التاني، اختيارتنا واحلامنا وعثراتنا وصدامتنا مختلفة، احترموا حياة بعض واراء بعض، مش مشكلة حد انك قدرت تكمل بعد ما حصلك حاجة معينة وهم لما اتعرضوا لنفس الحاجة مقدروش يكملوا، مش مشكلة حد انك بتعرف تسكت وتشيل حزنك في قلبك وغيرك لازم يتكلم ويحكي، محدش مضطر يجي علي نفسه علشانك بس انت مضطر تتعامل مع قلبك بالطريقة اللي ترضيه وتليق بيه، الحياة قاسية كفاية فبلاش نزود قسوتها علي الناس، عيشوا بقلوبكم لا تأذوا ولا تخلوا حد يأذيكم الدنيا مش باقية علي حد كلنا عابرين، خلي عبورك خفيف لو مريت في بال حد يبتسم احنا في حياة بعض علشان نهون علي بعض مش علشان نضايق ولا نأذي بعض ابدا صلي علي الحبيب 💙