عمومًا موضوع النسكافيه والقهوه ده نصب والإنسان الصبح مِش مِحتاج غير حد يقوله كلمتين حلوين اول ما يفتح عينه وهو هيبقىٰ اشطر كتكوت وهيقوم يغزو العالم بجد.'
القبول ده أغرب حاجة في الدنيا تدخل مكان تقول كلمتين تلاقي اتنين حبوك واحد ماخدش باله منك وواحد مش طايقك تهزر بجملة تلاقي اتنين ضحكوا من قلبهم واتنين مش طايقين تقل دمك تمشي في مكان ناس تشوف فيك طلة مميزة وناس تشوف فيك طلة محتاجة تتطرد بره ووسط كل التجارب الحياتية اللي عدت بكل واحد فينا.. مرات قبوله ومرات عدمها.. يجي حد ماحصلش في ذكائه مقتنع إنه ممكن يخلي كل الناس تحبه.. ويجي واحد تاني محصلش في غباءه يعتقد إنه عمره ما هيتحب والحقيقة الثابتة واحدة.. فيه ناس في الدنيا دي هتقبلك من غير ما تعمل حاجة.. وناس مش هتقبلك من غير ما تعمل حاجة فرفش كدة وماتحسبهاش كتير