اللهم أجعل في هذا الفجر ؛ " فرج لكل صابر وشفاء لكل مريض وإستجابة لكل دعاء وزوال لكل كرب ورحمة لجميع أموات المؤمنين إنك علي كل شئ قدير " الفجر اثابكم الله 🌸❤️❤️
اللهم امين 💙
ميسي والا رونالدو ؟
رونالدو طبعاً 😌💙
هل سبق أن أجريت عملية جراحية ؟
اكيد لا لسه ان شاء الله أما أخلص بقي 😂💔
منين م الشرقيه
فاقوس 😂
ما هو المسلسل أو البرنامج المفضل لك حالياً على التلفزيون؟
أولا الثانوية العامة زي ما بيسموها السنة المصيرية هي فعلا كدة بس والله العظيم اعتقد اني دي أحلي سنة قابلتها وهقابلها ف حياتي، أهم حاجة اعتمد ف كل حاجة ع ربنا واتوكل عليه واعرف ان اللي هيجيلك ده مكتوبلك ورزق من ربنا ليك مهما كان حجمه اي وان ده الخير ليك بعدين قدام هتعرف قيمته كويس جدا مش ف وقتها، لازم أهلك يدعموك ف السنة دي واظن ان مفيش أهل بتقصر وبتفضل واقفة جنب اولادها لحد آخر لحظة ف الفترة دي، المحافظة ع الصلاة وورد قرآن يومي حتي ولو مجرد صفحة واحدة والحفاظ ع كدة جدا، والمذاكرة اول بأول ومفيش اي تأجيل مذاكرة لتاني يوم مهما كانت الظروف اي لأن المذاكرة دي هتحتاجها ف الآخر والله انا وقعت واقعة جامدة ف شهر 2 تقريبا ومفتحتش كتاب نهائي واكتئاب وضغط بقي وربنا وحده أعلم وقتها بس مذاكرتي أول السنة اللي هي أول بأول نفعتني جدا والله الحمد لله وبعدها قدرت اكمل الحمد لله، طبعا لازم ولابد ميكونش ف اي علاقات بالصحاب لأنهم بيدمروا مش بيعمروا وحوارات كتيرة لا غني عنها وانت ف ثانوية ومفيش وقت اساسا أنك تعيط أو تكتئب، طبعاً مشكلة النوم هتكتر اوي ف الثانوية هروباً من المذاكرة مش اكتر والله فأنا أهو كطالبة كانت ف ثانوية كنت بنام 12 ساعة والله العظيم واللي يقول تنام 5 ساعات ومعرفش اي مفيش كدة بس أهم حاجة النوم بالكتير 8 ساعات ولما تلاقي نفسك عايز تنام علطول تنام لكن لو عايز تذاكر والحماس واخدك ذاكر ع قد ما تقدر، وأخيرا خليك واثق ف نفسك وأنك قدها وتقدر تعمل حاجة ومتفكرش ابدا ف كلام اللي حواليك واحباطهم ليك وخليك واثق أن الثانوية مش نهاية المطاف وأن مهما حصل ده الخير واللي ربنا كاتبه 💙 ثانياً بقي أنا كان حلمي طب بشري والحمد لله بفضله ونعمته عليا حققت حلمي وجالي طب بشري الزقازيق وده كانت اكتر حاجة جميلة حصلت ف حياتي وفرحة يوم النتيجة والله العظيم هتنسيك تعب السنة كلها والفرحة دي تستاهل نتعب عشانها والله ربنا يوفقكم ويعينكم ويكتبلكم الخير ف اللي جاي💙