ليه متكونش صريح مع غيرك متحبوش قوله مش بحبك وخليه يشوف حياته انما شغل انك تعلقه ده وتسيب دماغه تودي وتجيب مش عارف بتحبه ولا لأ وانت مش راضي تريحه ده حرام والله مشاعر الناس مش لعبه يجماعه وهتتحاسبوا عليها ولا ايه رأيكم؟!
هو ده التنمر بعينه ، في ظاهره كده منتشره وهي ان اي حد عاوز يعيب على حد بيتريق و ينهي الجمله ب عشان انت فلاح او عند الفلاحين الي شبهك و هكذا، هو انا عاوزه أفهم مين زرع في عقلك ان فلاح شتيمه او حاجه تقلل بيها من حد؟ يعني بأصل الكلمه و معناها الفلاح هو الشخص المزارع او الشخص الي ساكن في الريف ، اتكلمنا عن مهنه و عن مكان متكلمناش عن تفكير ولا عقل ولا أخلاق ولا وصفنا شخصه خالص قد يكون مزارع و عايش في ريف بس أرقى منك ف بلاش تبقى انت جاهل و توصف حد ب فلاح ك شتيمه او انك كده مثلا بتقلل منه عشان بجهلك دا بيحصل العكس و بتقلل قدرك انت يالي متربي في مدينه و عقلك متخلف كدا💛