بجد مش بهزر لو مخطوبه لشخص بس فيه فرق ثقافه كبيره حاسه أنه جاهل سوري والله مش قصدي بس حاسه كدا ٠٠٠٠ وهعيش بعيد جدا عن اهلي دا سبب أو دافع اني افركش ؟ ومش مسموح للهبد حد حكيم بعد اذنكم يرد
ايوا عادى لازم يكون فيه توافق فكرى وقبول وإنه يكون فاهماك وطالما مش في نفس مستوى التفكير هتتعبي جامد وهتحسي بالوحدة ، ومع الوقت يا اما هتنزلي لنفس المستوى يا هترفعيه هو معاكي بس هيحتاج وقت ومجهود وصبر منك وعايزة اقول كمان أنه بردو ضرورى يكون نفس مستوى الذكاء العاطفي علشان متبقيش بتكلمي حيطة من غير مشاعر أو في مشاعر موجودة بس اقل منك ف هتحسي أنه قزم جنبك وهتعاني من الوحدة وإنه مفيش حد فاهماك ولفي بينا يا دنيا ف علي ايه! احنا بنتجوز علشان نلاقي سكن ومودة وقبول وحد نكلمه كأننا بنكلم نفسنا من غير ما نخاف من رد الفعل أو عدم الفهم
لقد كنت اتجنب المحبه طوال حياتي كنت اعلم ان قلبي أكبر مني وانها لكارثه ان تكون شخصًا عاطفيًا ومنطقيًا في آن واحد كلما قطعت نصف الطريق في عاطفه ما صفعتني يد المنطق قائله عد فهذا الطريق ليس لك.
سكينة ومودة ، مشاركة حمل الليالي يشيلوه اتنين ف يبقي اخف .. شفاء ونداوى الجروح اللي سابها الزمن فنبقي كأننا اتولدنا من جديد من لحظة ما كنا مع بعض .. نستحمل طباع بعض حتي اللي مش ع هوانا ونقدر نتكيف معاها من غير ما نبقي عايزين نغير اللي قدامنا .. حب غير مشروط هحبك لأنك أنت انت مش علشان بتعملي أو بتجيبلي كذا وكذا ، في كل احوالك محبوب بالنسبالي اهم حاجه المشاركة علشان ميبقاش طرف بيبذل والتاني بيستقبل وبس لازم يكون الميزان متساوي الاتنين بيدوا والاتنين بيستقبلوا إظهار الضعف للطرفين من غير يخافوا أنه هيتحكم عليهم أو يستخفوا بمشاعر بعض أو طرف يستخدم نقاط الضعف دى وقت الخصام واهم اهم حاجه الأمن وقت الخصام ، هنتخاصم اكيد ونزعل بس من غير ما نخاف من زعل اللي قدامنا هيعمل ايه لما يغضب أو يهددنا بالغياب ويستخدمه كوسيلة ضغط